Tags-Azal

kisī kā zulf ko lahrā ke chalnā uf tauba
sharāb-e-nāb azal ke nashe meñ mast parī

ġhuncha-e-dil mard kā roz-e-azal jab khul chukā
jis qadar taqdīr meñ likkhā huā thā mil chukā

us kī sūrat se huuñ sannā-e-azal kā qaa.il
jalva-e-qudrat-e-haq husn-e-bashar hai ki nahīñ

dam-e-hashr azal kī bhī yaad kar ye zabān kyā ye nigāh kyā
jo kisī se aaj na ho sakā vo savāl bār-e-digar bhī hai

na ġham-e-azāb-o-savāb se kabhī chheḌ fitrat-e-ishq ko
jo azal se mast-nigāh hai use nek-o-bad kī ḳhabar bhī hai

dabistān-e-azal meñ ūstād-e-ishq ne mujh ko
sabaq pahle diyā thā abjad-e-vāb-e-mohabbat kā

ab dil ko ham ne banda-e-jānāñ banā diyā
ik kāfir-e-azal ko musalmāñ banā diyā

kyūñke naqqāsh-e-azal ne naqsh abrū kā kiyā
kaam hai ik tere muñh par khīñchnā shamshīr kā

azal se haq-parastī but-parastī sunte aate haiñ
magar ye aap kā mashrab nirālā ḳhud-parastī hai

azal se tā-abad hai kār-farmā gardish-e-daurāñ
ki nādānī hazar meñ aur dānā.ī safar meñ hai

ḳhaak zinda gar kare husn-e-azal kī aarzū
darmiyāñ rahtā nahīñ phir koī bhī tār-e-hijāb

azal ke din se ġham mushtāq thā jo merī ḳhilqat kā
banāyā āñsuoñ se gūñdh kar putlā kudūrat kā

bashar roz-e-azal se shefta hai shān-o-shaukat kā
anāsir ke muraqqe meñ bharā hai naqsh daulat kā

aqā.ed vahm haiñ maz.hab ḳhayāl-e-ḳhām hai saaqī
azal se zehn-e-insāñ basta-e-auhām hai saaqī

dam-e-nazāra merī hairatoñ pe ġhaur na kar
ki merī aañkh azal yūñhī savālī hai

ai azal jaldī rihā.ī de na bas tāḳhīr kar
ḳhāna-e-tan bhī mujhe ab qaid-ḳhāna ho gayā

tasalsul saath hai mere mujhe tabdīl karne kā
azal se jārī-o-sārī fanā ke silsile meñ huuñ

the justujū meñ roz-e-azal jā-e-dard kī
aayā pasand dil mirā is intiḳhāb meñ

raḳhsh-e-abad-ḳhirām kī thamtī nahīñ haiñ bijliyāñ
sub.h-e-azal-nizhād se karnā hai mashvara mujhe

azal se us kā hī aasrā hai jo dene vaalā murādoñ kā hai
barā.e-fil-faur umīd-e-dil ko jo chūmne us ke dar ko chaliye