Tags-Azal

mere hisse meñ azal se koī ghar thā hī nahīñ
mujh se pahle koī āshufta-safar thā hī nahīñ

azal se tā-ba-abad jast ek saa.at kī
yahī bas arsa-e-kār-e-jahāñ hai yā kuchh aur

azal se dil hai sajda meñ tire abrū ke masjid meñ
uThātā sar nahīñ ab tak namāzī us ko kahte haiñ

phirte rahe azal se abad tak udaas ham
aa.e na inqilāb-e-zamāna ko raas ham

maiñ vo ik nañg-e-zamāna huuñ azal hī se 'ra.īs'
zindagī hai ki mire naam se sharmātī hai

azal se bāda-e-hastī kī arzānī nahīñ jaatī
is arzānī pe bhī us kī farāvānī nahīñ jaatī

ye duniyā hai ise pahchān 'bismil'
azal hī se ye harjā.ī bahut hai

maiñ huuñ pur-sukūñ azal se maiñ huuñ pur-sukūñ abad tak
magar aañkh kah rahī hai nahīñ tujh se āshnā.ī

kab tak chhupe raheñge azal ḳhāmushī ke bhed
shahr-e-sadā ke mahram-e-asrār kaun haiñ

ik samāñ suhānā chhāyā rahtā hai dhartī se ākāsh ke beach
dil se āñkhoñ tak azal abad kī vus.at meñ

jaise koī kuchh rakh ke kahīñ bhuul gayā ho
is tarah azal se vo mujhe DhūñD rahā thā

girya-kunāñ kī fard meñ apnā nahīñ hai naam
ham girya-kun azal ke haiñ girya kiye baġhair

maiñ bistar-e-ḳhayāl pe leTā huuñ us ke paas
sub.h-e-azal se koī taqāzā kiye baġhair

kyā karegā koī ḳharāb use
jo azal se ḳharāb hai yaaro

ishq adā-navāz-e-husn husn karishma-sāz-e-ishq
aaj se kyā azal se hai husn se sāz-bāz-e-ishq

bazār-e-azal yuuñ to bahut garm thā lekin
le de ke mohabbat ke ḳharīdār hamīñ the

hai hijāb-e-husn kā ye asar kisī ḳhud-parast ko kyā ḳhabar
jo azal se siine meñ josh thā vahī ban ke shor-e-fuġhāñ uThā

azal kī yaad meñ maiñ garm-e-āh-e-sard huā
lagī thī choT kabhī aur aaj dard huā

dil mohabbat kī saqāfat kā azal se hai amiiñ
is shahanshāh ko nafrat na sikhāo sāhab

kyā batā.eñ ki thī kyā sub.h-e-azal vo sūrat
is kaḌī dhuup meñ aariz kī shafaq yaad nahīñ