Tags-Azal

raḳhsh-e-abad-ḳhirām kī thamtī nahīñ haiñ bijliyāñ
sub.h-e-azal-nizhād se karnā hai mashvara mujhe

na ġham-e-azāb-o-savāb se kabhī chheḌ fitrat-e-ishq ko
jo azal se mast-nigāh hai use nek-o-bad kī ḳhabar bhī hai

dam-e-hashr azal kī bhī yaad kar ye zabān kyā ye nigāh kyā
jo kisī se aaj na ho sakā vo savāl bār-e-digar bhī hai

un hijāboñ ko jo mānūs-e-azal haiñ ab tak
aao fitrat kī nigāhoñ meñ samā kar dekheñ

hashr lamhe meñ, pal meñ sukūt-e-azal
aah! ye vaqt kā zer-o-bam bhī nayā

vaah kyā kahnā mujassam kar diyā mauhūm ko
naqsh-bandān-e-azal kī shoḳhi-e-tahrīr ne

jabr-e-shahī kā sirf baġhāvat ilaaj hai
apnā azal se ek husainī mizāj hai

azal se shīsha-e-gardūñ meñ ret chaltī hai
kabhī shumār meñ aa.iiñ na sā.ateñ terī

kis lahje kin lafzoñ meñ shahkār-e-azal kī baat karūñ
duniyā bhar ke fan-pāroñ se ḳhaak kā paikar achchhā thā

fitrat hī ḳhud azal se hai sar-gufta-e-vafā
ai ḳhizr koī ishq kā rahbar nahīñ huā

zamīñ se kyuuñ na mujhe pyaar ho ki merā vajūd
azal se tā-ba-abad ḳhaak se ibārat hai

karishmā-sāz-e-azal kyā tilism bāñdhā hai
parīda rañg hai har naqsh phir bhī pyārā hai

azal se tā-ba-abad koshish-e-javāb hai 'shāz'
vo ik savāl jo mub.ham rahā hai āñkhoñ meñ

fitrat yahī azal se hai barq-e-jamāl kī
us ne jise tabāh kiyā tuur kar diyā

adū-e-dost kabhī mujh ko mo'atabar na huā
azal se apnā ye me.ār-e-dostāna rahā

jis ke jalvaoñ ne azal se muztarib rakkhā mujhe
vo to mere sāmne bhī aaj tak aayā nahīñ

nahīñ e'tibār ek dam zindagī kā
azal se qazā ke havāle hue haiñ

ye baat roz-e-azal se tai hai
zamīn jismoñ kā bojh uThā.egī

nāla-o-āh-o-fuġhāñ kyuuñ na huuñ hamdam apne
dostī ishq ko hai roz-e-azal se ham se

unheñ nasīb ho ab māvarā koī saa.at
azal se peḌ bahār-o-ḳhizāñ kī zad meñ haiñ