Tags-Masti

surūr-e-ishq kī mastī kahāñ hai sab ke liye
vo mujh meñ jazb huā aa ke ek shab ke liye

hayā kī bahāreñ haiñ ra.anā.iyoñ par
ye jalva hai mastī hai joban hai kyā hai

nazzāre ne bhī kaam kiyā vaañ naqāb kā
mastī se har nigah tire ruḳh par bikhar ga.ī

mastūrī meñ mastī hai yahāñ sahv meñ hai mahv
ai sāqī-e-shorīda-o-uriyān-e-ḳharābāt

aayā jo nasha mai kā to shab aañkh meñ us kī
sau rañg se bad-mastī kā rañg aan ke chamkā

sab kuchh to Thiik thā jo nazar paañv par paḌī
mastī meñ Duube mor ko ḳhāmosh kar diyā

nashsha-e-yār kā nasha mat pūchh
aisī mastī kahāñ sharāboñ meñ

tamām mastī o tishna-labī ke hañgāme
kisī ne sañg uThāyā kisī ne miinā liyā

chaTTānoñ ke siine par bhī khul kar jo muskātā hai
sar-mastī kā sar-chashma hai vo ik paudā nanhā sā

milte haiñ nazar hosh uḌte haiñ mastī bhī barasne lagtī hai
ma.alūm nahīñ vo kaun sī mai āñkhoñ se pilāyā karte haiñ

tum kis ḳhvāhish kī mastī meñ
mere dukhoñ ko

keval faqīroñ ko hai ye kāmyābī hāsil
mastī se jiinā aur ḳhush saarā jahān rakhnā

kyā nazar kī hushyārī ḳhud-asīr-e-mastī hai
jo nigāh uThtī hai mahv-e-ḳhud-parastī hai

aañkh tumhārī mast bhī hai aur mastī kā paimāna bhī
ek chhalakte sāġhar meñ mai bhī hai mai-ḳhāna bhī

mire sivā kuchh nahīñ kahīñ bhī azal abad ek ḳhvāb-e-mastī
zamīñ qadam-bhar hai mere nīche falak nigah-bhar hai aur maiñ huuñ

tasarruf meñ shabistān-e-jahāñ hai ishq-o-mastī ke
zamāna so chukā hai faqr kā jaadū to chaltā hai

jis taraf the dekhte aish-o-tarab kā josh thā
mastī o rindī havas-bāzī o be-añdeshgī

aah tujh bin haiñ zār-o-nālāñ ham
bhūlī mastī kī hāv-hū saaqī

bhūlā huuñ maiñ aalam ko sarshār ise kahte haiñ
mastī meñ nahīñ ġhāfil hushyār ise kahte haiñ

terī āñkhoñ se dil-e-nāzuk giregā nashshe meñ
taaq se shīsha girā degī ye mastī ek din