Tags-Masti

ahl-e-ḳhair Duube the nekiyoñ kī mastī meñ
jo ḳharāb-e-sahbā thā bas vo pārsā niklā

hai aur hī kārobār-e-mastī
jī lenā to zindagī nahīñ hai

ġham meñ rafta rafta mastī aa.egī
kuchh dinoñ ye mai purānī bhī to ho

hai ishq bhī junūñ bhī
mastī bhī josh-e-ḳhūñ bhī

mastī meñ mujh se be-adabī hogī yaar se
mujh ko gunāh-gār na jām-o-subū kareñ

jahāñ fart-e-mastī meñ kaj-qadam the saman-barāñ
koī gir rahā thā to thāmnā mujhe aa gayā

ik dāman-e-rañgīñ lahrāyā mastī sī fazā meñ chhā hī ga.ī
jab sair-e-chaman ko vo nikle phūloñ kī jabīñ sharmā hī ga.ī

nigāh-e-mast saaqī kī tilism-e-rañg-o-mastī hai
kahīñ paimāna ban jaa.e kahīñ mai-ḳhāna ban jaa.e

junūñ kā ek taqāzā thā sirf sar-mastī
kitāb jhoñk dī ham āgahī ko bhuul ga.e

īmān rakh ke kyā karūñ farsūda chiiz hai
mastī mujhe qubūl ki terī nazar meñ hai

merī mastī ko jo samjhe haiñ ba-nām-e-mastī
un se paimāna-e-insāñ nahīñ dekhā jaatā

had se guzar na jā.ūñ maiñ aisā na kījiye
mastī-bharī nigāh se dekhā na kījiye

bharī bazm meñ apne āshiq ko taaḌā
tirī aañkh mastī meñ hushyār kyā thī

kabhī chashm-e-ḳhumār-ālūd kī mastī nahīñ dekhī
bajā hai hazrat-e-nāseh ko da.avā hoshiyārī kā

mastī ke valvaloñ kā javānī meñ lutf hai
piirī meñ dhyān chāhiye qadd-ḳhamīda kā

har zarra-e-dehlī hai tire zau se munavvar
punjab kī mastī asar-e-jazb-e-qalandar

'asġhar' ġhazal meñ chāhiye vo mauj-e-zindagī
jo husn hai butoñ meñ jo mastī sharāb meñ

aate aate aa.egī duniyā-dārī
jaate jaate fāqa-mastī jā.egī

madh meñ bharā hai jauban ke vo husn se us ke Tapke hai mastī
chāh-e-zaqan hai jām-e-bilorīñ aur ġhabġhab hai shīsha-e-sahbā

sāmne aa.ina thā mastī thī
un par ik shān-e-ḳhud-parastī thī