Tags-Masti

vā hote haiñ mastī meñ ḳharābāt ke asrār
rindī mirā īmān hai mastī hai mirā farz

jo gird-o-pesh se maiñ be-niyāz huuñ 'rāhī'
isī meñ hosh hai mirā isī meñ mastī hai

gungunā ke mastī meñ saaz le liyā maiñ ne
chheḌ hī diyā āḳhir naġhma-e-vafā maiñ ne

ye kis ne jhuum ke mastī meñ lī hai añgḌā.ī
fusūñ-tarāz hai ye kis kā rañg-e-pairāhan

be-lazzat kaif-o-mastī ke mallāh bhī himmat haare haiñ
ḳhushkī meñ phañsā hai ambassador ma.alūm nahīñ kyā honā hai

ghaTāoñ ke sāyoñ kī mastī se baḌh kar
farishtoñ kī pākīza hastī se baḌh kar

chhā ga.ī mastī badan meñ aur dil par ik surūr
zehn meñ jab baj uThī mahbūb kī paa.il kabhī

josh-e-mastī meñ baġhal-gīr huuñ bichhḌe hue dil
aaj insān ko insān banā de saaqī

masjid ko ham chale ga.e mastī meñ bhuul kar
ham se ḳhatā ye pīr-e-ḳharābāt ho ga.ī

banā.egī murīdoñ ko tire be-ḳhauf mahshar meñ
sharāb-e-nāb-e-vahdat se jo mastī hai gurū-nānak

zindagī kaif-e-musalsal meñ guzar jaatī hai
chashm-e-maḳhmūr kī mastī ho ki mai-noshī ho

mile na merī ġhazal meñ kyūñkar shu.ūr-e-hastī surūr-e-mastī
'jamīl' ke mai-kade se 'ehsāñ' sharāb-e-idrāk pā rahā huuñ

bahak ke jā.ūñ jo mastī meñ jānib-e-kausar
to mujh ko dast-e-subū khīñch laa.e sū-e-sharāb

qalandar ḳhānqāh-o-madrasā meñ mast hai lekin
ye mastī faqr-e-bū-bakar-o-alī lagtī nahīñ mujh ko

maiñ kushta huuñ kis chashm-e-siyah-mast kā yā rab
Tapke hai jo mastī mirī turbat ke shajar se

uzr-e-mastī o mai-parastī kyā
bhuul jaane ke haiñ hazār tarīq

tere qāmat kī larzish se mauj-e-mai meñ larzish hai
terī nigah kī mastī hī paimānoñ ko chhalkā.e hai

hai jabhī se be-ḳhudī badmast huuñ sarshār huuñ
un ke hāthoñ se piyā thā jām-e-mastī ek din

yuuñ guzārī ham ne to apnī do-roza zindagī
mai-parastī ek din kī fāqa-mastī ek din