Tags-Masti

kabhī vo mastī meñ rañg laa.e kabhī kiyā shaad muskurā.e
ajab tarah ke maze uThā.e visāl kī shab meñ ḳhvāb kaisā

baḌhā jo maiñ rakh ke uzr-e-mastī kahā ye hañs kar chaḌhā ke tevrī
haTo zarā hosh meñ raho jī sambhālo dil iztirāb kaisā

vahāñ pe chal mujhe le kar mire samand-e-ḳhayāl
jahāñ nigāh kī mastī harām hotī hai

maiñ jāntā huuñ ki tauhīn-e-vaz.a hai mastī
yahī sharī.at-e-mai-ḳhāna ho to kyā kahiye

tumhārā ālam-e-mastī Dhakā-chhupā hī sahī
mirī nigāh hai TuuTe hue pyāloñ par

kahūñ maiñ vahī hai saaqī vahī subū vahī jaam
mudām-e-bāda-e-vahdat kī mujh ko mastī hai

mah-e-siyām meñ go man.a-e-mai-parastī hai
magar huuñ mast ki har roz fāqa-mastī hai

nazzāra-e-ruḳh-e-sāqī se mujh ko mastī hai
ye āftāb parastī bhī mai-parastī hai

'mīr' un nīm-bāz āñkhoñ meñ
saarī mastī sharāb kī sī hai

fan kī mastī dekhnā bāhar hisār-e-harf se
sochnā bahtā hai dariyā sā.ebānoñ meñ kahīñ

jo mastī raqs meñ rakhtī thī mujh ko
vo sajdoñ meñ rulātī jā rahī hai

ik roz milā ālam-e-mastī meñ jo ham se
tanhā but-e-badmast mai-āshām hamārā

ālam-e-mastī kī tauba al-amāñ
pārsā.ī nashsha ban kar chhā ga.ī

abhī tak nigāhoñ pe chhā.ī huī hai
vo mastī meñ Duubī huī nīm-ḳhvābī

bazm-e-charāġhāñ jhūTī ḳhushiyāñ naḳhvat-e-sāqī tishna-dahānī
gardish-e-sāġhar ālam-e-mastī tundī-e-sabā kyā nahīñ dekhā

baat mastī kī hazm ho na sakī
shīsha-e-bāda kā hai halkā peT

faqat ik jurm-e-haq-goī ke chalte terī mahfil meñ
tire 'āsif' kī mastī mojib-e-tāzīr hai saaqī

kahāñ kā jaam jab yaañ zauq-e-mastī
nigāhoñ se pilāyā jā rahā hai

āñkhoñ meñ phirtī haiñ jo vo āñkheñ nashīlyañ
do botaloñ kī mastī hai be-mai piye hue