Tags-Kitab

vo chehra haath meñ le kar kitāb kī sūrat
har ek lafz har ik naqsh kī adā dekhūñ

mirī zindagī meñ bas ik kitāb hai ik charāġh hai
ek ḳhvāb hai aur tum ho

varaq 'ḳhushtar' kitāb-e-zindagī kā
koī taaza ulaTnā chāhte haiñ

kitāb-e-dars-e-majnūñ mus.haf-e-ruḳhsār-e-lailā hai
harīf-e-nukta-dān-e-ishq ko maktab se kyā matlab

mere dil kī kitāb mat paḌhnā
Dagmagā jā.eñge tumhāre ḳhayāl

avval-o-āḳhir ke kuchh aurāq milte hī nahīñ
hai kitāb-e-zindagī be-ibtidā be-intihā

kabhī vasl meñ 'mohsin' dil TuuTā kabhī hijr kī rut ne laaj rakhī
kisī jism meñ āñkheñ kho baiThe koī chehra khulī kitāb huā

mire suḳhan meñ samā kar kitāb-rū ne mirī
ḳhud apne husn kī tafsīr kar liyā hai mujhe

lo vo chāh-e-shab se niklā pichhle-pahar piilā mahtāb
zehn ne kholī rukte rukte maazī kī pārīna kitāb

agar rahegā yahī haal be-niyāzī kā
tumhāre haath meñ dil kī kitāb degā kaun

falsafa bhī ḳhudī falsafī bhī ḳhudī
aap tālib hai aap hī kitāb aadmī

yuuñ to hāsil jahāñ meñ huā sab magar
ye kitāb-e-tamannā khulī rah ga.ī

vārisān-e-ġham-o-alam haiñ ham
ham salonī kitāb kā qissa

kabhī āñkheñ kitāb meñ gum haiñ
kabhī gum haiñ kitāb āñkhoñ meñ

vo bebasī ki zarā aage baḌh nahīñ sakte
kitāb-e-vaqt kī tahrīr paḌh nahīñ sakte

mirī nazar meñ aa gayā hai jab se ik sahīfa-ruḳh
kashish rahī na dil meñ ab kisī kitāb ke liye

kitāb dil pe likhne kī ijāzat us ne dī na thī
hai saada aaj bhī varaq ye intisāb ke liye

bichhaḌ ke tujh se tujhī ko sochoñ tujhī ko chāhūñ
ki naam tere hī apne dil kī kitāb likkhūñ

dabistān-e-vafā meñ umr bhar kī safha-gardānī
samajh meñ aa.ī ulfat kī kitāb āhista āhista

tujhe kitāb se mumkin nahīñ farāġh ki tū
kitāb-ḳhvāñ hai magar sāhib-e-kitāb nahīñ