Tags-Kitab

vo ik kitāb jo mansūb tere naam se hai
usī kitāb ke andar kahīñ kahīñ huuñ maiñ

zindagī ik kitāb thī phir bhī
log guzre ġhalat sahī kar ke

ulaT rahī thiiñ havā.eñ varaq varaq us kā
likhī ga.ī thī jo miTTī pe vo kitāb thā vo

anā-parast hai itnā ki baat se pahle
vo uTh ke band mirī har kitāb kar degā

tū mubtalā-e-ishq hai ġham kā nisāb DhūñD
unvān jis kā hijr ho aisī kitāb DhūñD

māhtāb-e-vajūd paḌhte haiñ
aa kitāb-e-vajūd paḌhte haiñ

tumhāre hijr meñ guzre hue sabhī lamhe
mirī kitāb mire aa.ine meñ rakkhe haiñ

hasrat-e-dil nā-mukammal hai kitāb-e-zindagī
joḌ de maazī ke sab aurāq mustaqbil ke saath

kisī kā ruḳh hameñ qur.ān kā javāb milā
ḳhudā kā shukr hai but sāhib-e-kitāb milā

bas ek chehra kitābī nazar meñ hai 'nāsir'
kisī kitāb se maiñ istifāda kyā kartā

abhī terā daur-e-shabāb hai abhī kyā hisāb-o-kitāb hai
abhī kyā na hogā jahān meñ abhī is jahāñ meñ huā hai kyaa?

vo kitāb-e-husn vo ilm o adab kī tāliba
vo mohazzab vo muaddab vo muqaddas rāhiba

jise maiñ likhtā huuñ aise ki ḳhud hī paḌh paañv
kitāb-e-zīst meñ aisā bhī baab hotā hai

ashkoñ meñ piro ke us kī yādeñ
paanī pe kitāb likh rahā huuñ

dafnā.eñ ham ko dost kitāb-o-qalam samet
zer-e-lahad bhī ziist kī aadat na jā.egī

kitāb kholī to lafzoñ ke saath bahne lage
ajab tilism thā us shaḳhs kī nigārish meñ

na māh-rū na kisī māhtāb se huī thī
hameñ to pahlī mohabbat kitāb se huī thī

tujh pe ham ik kitāb likh baiThe
is ko kār-e-savāb likh baiThe

kitāb-e-hijr meñ maiñ ab likhūñgā vasl ke qisse
mohabbat meñ milā hai jo mujhe tāvān miTTī hai

kitāb-e-dahr kā dilchasp TukḌā hai mirī hastī
mujhe dekho ki baiThā huuñ mujassam dāstāñ ho kar