Tags-Kitab

chehroñ ko be-naqāb samajhne lagā thā maiñ
sab ko khulī kitāb samajhne lagā thā maiñ

tumhī ne saath diyā zindagī kī rāhoñ meñ
kitāb-e-umr tumhāre hī naam karte haiñ

kitāb dī thī sadāqat kī maañ ne hāthoñ meñ
safar pe pahle-pahal jab kiyā ravāna mujhe

tujhe ai ḳhatīb-e-chaman nahīñ ḳhabar apne ḳhutba-e-shauq meñ
ki kitāb-e-gul kā varaq varaq tirī be-ḳhudī se bikhar gayā

ek pal ko jo duur tum jaao
ashk mere kitāb ho jaa.eñ

maiñ ḳhālī haath milūñ tujh se kis tarah yārab
kitāb siine pe mere bhī āsmānī de

ba.ad meñ kyā anjām huā ye aage paḌhne vaale batā.eñ
us kī kitāb-e-dildārī kī pahlī jild to puurī thī

vo ġhazal kī kitāb hai pyāre
us ko paḌhnā savāb hai pyāre

chup hai shikvoñ kī ek band kitāb
us se kahne kā Dhab nahīñ aatā

aane vaalā inqalāb aayā nahīñ
kyā koī ahl-e-kitāb aayā nahīñ

maiñ jitnī baar paḌhūñ kaise kaise rañg bharūñ
tirā gulāb sā chehra mujhe kitāb lage

milā bhī vo to kahāñ us kā naam likkheñge
kitāb-e-zīst kā koī varaq bhī saada nahīñ

'arsh' is meñ talḳhī-e-ġham ke sivā kuchh bhī nahīñ
tū kitāb-e-zindagī kī safha-gardānī na kar

kitāb-e-zindagī kī ye muqaddas āyateñ haiñ
hiran chītal chikāre titliyāñ jugnū parinde

kitāb-e-ruḳh hai hijāb-e-taqdīs-e-husn-e-jānāñ
ye raaz kaisā mazāq-e-dīdār par khilā hai

dil mirā saaf aa.ine kī tarah
ek saada kitāb hai yaaro

tumhāre ḳhāl-o-ḳhad pe ik kitāb likh rahe the ham
magar tumhārā husn be-misāl hī nahīñ rahā

merī kitāb-e-zīst ko aise na pheñkiye
raushan kisī kā naam isī dāstāñ se hai

har harf-e-ġham ne mere majlis ke ta.iiñ rulāyā
goyā ġhubār dil kā paḌhtā kitāb niklā

ham us ko kaise sunāte kahāniyāñ 'dānish'
kitāb-e-dil kā har ik safha paara paara thā