Tags-Kitab

nasl-e-ādam nikal ke ġhāroñ se
aa ga.ī hai kitāb-ḳhānoñ meñ

koī sūrat kitāb se nikle
yaad sūkhe gulāb se nikle

sitāra mū-e-badan ruḳh gulāb kaise huā
tumhārā jism havas kī kitāb kaise huā

tirī jabīñ pe ibārat hai dīn-e-ishq 'niyāz'
tirā vajūd muqaddas kitāb jaisā hai

mujhe bhī shauq hai paḌhne kā ye kitāb-e-ġhazal
kahīñ se muft meñ haath aa.e to batāo mujhe

jahān-e-ilm kā bāb-e-nisāb hote hue
bhaTak rahā huuñ maiñ ahl-e-kitāb hote hue

nazm kī kitāb se
sūkhī yādoñ ko alvidā.a karnā chāhtā huuñ

kyā ajab 'shāhid' ki merī dāstāñ is meñ bhī ho
jo kitāb ik baar bhī maiñ ne na dekhī khol kar

kitāb ke āḳhirī safhe par
bādshāh kī maut kī ḳhabar thī

raat ke kisī pahar āsār-e-qadīma ke ek māhir kī aañkh khul jaatī hai
vo lakḌī ke vaznī sandūq se kitāb nikāltā hai

ye kitāb kisī murda zabān meñ likhī ga.ī hai
jo ab zamīn ke kisī ḳhitte meñ bolī yā samajhtī nahīñ jaatī

kitāb-e-hayāt kā ye pannā
achchhā hotā jo barqarār rahtā

jab bhī paḌhtā huuñ kitāb-e-ġham-e-hastī ai dil
tazkira un kā bhī miltā hai havāloñ kī tarah

kitāb khol ke dekhūñ to aañkh rotī hai
varaq varaq tirā chehrā dikhā.ī detā hai

rack pe rakh kar bhuul gayā thā us ke chehre aisī kitāb
haath meñ jab aa jaatī hai to pahroñ paḌhtā rahtā huuñ

pahchān jin se thī vo havāle miTā diye
us ne kitāb-e-zāt kā safha badal diyā

churā ke mere taaq se kitāb koī le gayā
mirī tamām umr kā hisāb koī le gayā

dībācha-e-kitāb-e-vafā hai tamām umr
ik lamha-e-shu.ūr-e-fanā hai tamām umr

'mus.hafī' thā zi-bas-ki āshiq-e-sher
marte marte rahī kitāb meñ jaan

ye buuñd ḳhuun kī lauh-e-kitāb-e-ruḳh ke liye
ye til sar-e-lab-o-ruḳhsār dharne aa.e haiñ