Tags-Kitab

sharh-e-ġham haa.e be-hisāb huuñ maiñ
likhne baiThūñ to ik kitāb huuñ maiñ

sanam-parastī karūñ tark kyūñkar ai vaa.iz
butoñ kā zikr ḳhudā kī kitāb meñ dekhā

mirī ḳhalq mahv-e-kalām sab mujhe chhoḌte haiñ ḳhamosh kab
mirā harf rashk-e-kitāb hai marī baat likhne kā baab hai

rakho aarzū mai-e-ḳhām kī karo guftugū ḳhat-e-jām kī
ki siyāh caroñ se hashr meñ na hisāb hai na kitāb hai

chehra khulī kitāb hai unvān jo bhī do
jis ruḳh se bhī paḌhoge mujhe jaan jāoge

bijlī chalī ga.ī to vo āñkhoñ meñ rah gayā
ab chhū ke paḌh rahā huuñ ibārat kitāb kī

chaḌhā rahā hai salīboñ pe ham ko sadiyoñ se
zamāna phir bhī muqaddas kitāb māñge hai

har ik adā meñ us kī hai qaus-e-quzah kā rañg
hai guftugū meñ kitne havāle kitāb ke

alfāz meñ band haiñ ma.ānī
unvān-e-kitāb-e-dil khulā hai

kitāb-e-jism narmī se varaq andar varaq dekheñ
hijāb-e-shauq garmī se shikan andar shikan jaage

paḌhtā rahtā huuñ aap kā chehra
achchhī lagtī hai ye kitāb mujhe

kaise dekhūñgā maiñ 'zulfī' apne chehre kī kitāb
vo gayā to aarzū kā aa.ina bhī le gayā

tū mujh ko bhūlnā chāhe to bhuul saktā hai
maiñ ek harf-e-tamannā tirī kitāb meñ huuñ

na jaane kaun sā chehra mirī kitāb kā hai
na jaane kaun sī sūrat tire nuzūl kī hai

vahī firāq kī bāteñ vahī hikāyat-e-vasl
na.ī kitāb kā ek ik varaq purānā thā

bosīda sī kitāb kā ik hāshiya ho tum
lauh-e-azal pe likkhā maiñ bainassutūr huuñ

kis liye hai naqāb meñ chehra
paḌhne vaalī kitāb de diije

apnī kitāb-e-umr kā anjām likh diyā
pahle varaq pe maiñ ne tirā naam likh diyā

maiñ sochtā huuñ koī aur kārobār karūñ
kitāb kaun ḳharīdegā is girānī meñ

varaq varaq tire dil kī kitāb raushan ho
to chehra chehra nayā intisāb kyuuñ dekhūñ