Tags-Ada

gah ishva gah karishma gahe naaz gah adā
kis kis tarah se us ne mujhe imtihāñ kiyā

na raas aa.ī hameñ aap kī adā koī
sitam hai us pe ki ham aap ke divāne haiñ

kyā phir kisī ne qarz-e-muravvat adā kiyā
kyuuñ aañkh be-savāl hai dil phir dukhā hai kyā

maiñ ne us ko dil-navāz-o-ḳhush-adā kyā kyā kahā
merī is zinda-dilī ko koī samjhā bhī to ho

tere jaur-o-jafā ko kyā kahiye
naaz kahiye unheñ adā kahiye

kabhī dād-e-mohabbat de ke haq merī vafāoñ kā
adā kyā kar nahīñ sakte haiñ vo lekin nahīñ karte

saaqī kī nazar se koī nisbat hai to 'anvar'
piine kī adā ye bhī hai be-jām piye jā

mujh ko dekhā na baat kī koī
ye bhī āḳhir adā huī koī

uThā jo dast-e-sitam qatl-e-be-navā ke liye
nigāh-e-shauq ne bose har ik adā ke liye

haa.e vo mast ghaTā haa.e vo salmā kī adā
aah vo rūd-e-chanāb aah vo gujrāt kī raat

apnī āñkheñ ghar pe rakh kar bhī tamāshā.ī haiñ log
aur un kī is adā par ḳhush haiñ bāzīgar bahut

ba-nīm-ġhamza adā kar haq-e-vadī.at-e-nāz
niyām-e-parda-e-zaḳhm-e-jigar se ḳhanjar khīñch

chhuā jise bhī vahī lafz ban gayā tārīḳh
ki be-asar koī jumla adā kiyā hī nahīñ

ġhamoñ kī rut se kabhī dil figār mat honā
ḳhushī luTā ga.ī aksar adā udāsī kī

chaman meñ jab se use sair karte dekh liyā
usī adā se ġhazālāñ ḳhirām karte haiñ

hazar ki ab mire hāthoñ meñ mudda.ā bhī nahīñ
kiyā hai laila-e-ḳhvāhish ko be-adā tū ne

'atīq' us dilrubā kī har adā bar-haq sahī lekin
tumhārī koshish-e-paiham bhī aalī hotī jaatī hai

raqs-e-parvāna kī gardish jo thame āḳhir-e-shab
ahl-e-mahfil ke liye ye bhī adā Thahregī

gulgūñ qabā na maar taġhāful kī teġh suuñ
hai qatl āshiqāñ kā tirī yak adā ke haath

ye har adā pā.emāl ho kar bhī dil ko hai zauq-e-pā.emālī
qadam qadam par tirī javānī ajiib fitne jagā rahī hai