Tags-Ada

maiñ sar-ba-kaf sar-e-maqtal kuchh is adā se gayā
ki merā dushman-e-jāñ ān-bān bhuul gayā

yahī vafā kā hai dastūr bhī taqāzā bhī
ki har jafā ko sitamgār kī adā kahiye

hasīn yuuñ to zamāne meñ kaj-adā haiñ sabhī
magar savāl ye hai kis ko kaj-adā kahiye

ye bāñkpan ye adā ye shabāb kā aalam
tum aa ga.e to kisī kā ab intizār nahīñ

thī husn kī chhab ik ajab adā jab phuul sā chehra mahak uThā
vo manzar mujh ko jachā bahut phir umr usī meñ basar huī

jaise rasm adā karte hoñ shahroñ kī ābādī meñ
sub.h ko ghar se duur nikal kar shaam ko vāpas aane meñ

gul kī hañsī meñ raqs-e-nujūm-o-qamar meñ bhī
shāmil hai kitnī terī adā sochnā paḌā

umr bhar qarz adā ho na sakā
umr bhar qarz adā karte rahe

marte dam tak tirī talvār kā dam bharte rahe
haq adā ho na sakā phir bhī vafādāroñ se

kisī ko terā tabassum milā kisī ko adā
hamāre naam tirī sohbatoñ kī shaam aa.ī

tujh ko dekhā na tire nāz-o-adā ko dekhā
terī har tarz meñ ik shān-e-ḳhudā ko dekhā

ba-sad adā nigah-e-sīm-tan se jaatā hai
jigar ke paar har ik tiir san se jaatā hai

sādgī hai adā meñ us kī jo
ishq meñ yaar rā.egāñ huuñ maiñ

ġham se miltī hai masarrat dil ko
ġham bhī terī hī adā ho jaise

koī ḳhush-qāmatī ā.īne ke muqābil sambhaltī huī
koī tadbīr-e-nazzāra simTī huī ik adā ke liye

vo phuul jinheñ aap ne dekhā thā adā se
ujḌe hue mausam meñ bhī shādāb paḌe the

husn kā haq nahīñ rahtā baaqī
har adā meñ vo adā karte haiñ

is adā se vo jafā karte haiñ
koī jaane ki vafā karte haiñ

ulTe vo shikve karte haiñ aur kis adā ke saath
be-tāqatī ke ta.ane haiñ uzr-e-jafā ke saath

mansab-e-sheftagī ke koī qābil na rahā
huī māzūli-e-andāz-o-adā mere ba.ad