Tags-Ada

nigāhoñ se adā karte ho matlab
kahāñ kahte ho kuchh apnī zabāñ se

gavārā kab mujhe hogā kisī ehsās kā Dhonā
hai qarzā is janam kā is janam meñ hī adā hogā

tāsīr ke do hisse agar hoñ to mazā hai
ik merī fuġhāñ ko mile ik terī adā ko

vo jafā-shi.ār o sitam-adā tū suḳhan-tarāz o ġhazal-sarā
vo tamām kāñTe ugā.eñge tū tamām phuul khilā.e jā

apnī ek adā rakhtī hai us ke ba.ad kī gudāzī bhī
kuchh to socho us pe chalegā sehr-e-qabā bhī kitnī der

dil liyā pahlī nazar meñ aap ne
ab adā koī na ḳhālī jā.egī

aao mohabbat ke ḳhudā kā shukriya adā kareñ
aur ek āḳhirī bose ko mahfūz kar ke

mar miTiye is adā pe ki kuchh log jal-bujhe
siine meñ soz-e-ishq ko pinhāñ kiye hue

idhar banī hai dil-e-hazīñ par udhar to sargarm-e-nāz haiñ vo
koī ye aa kar tamāshā dekhe adā hai un kī mamāt merī

ḳhizāñ kā daur hai magar vo is adā se aa.e haiñ
bahār 'darshan'-e-hazīñ kī zindagī pe chhā ga.ī

karūñ dostoñ ko maiñ nazr kyā mire paas dām-o-diram kahāñ
vo jo dushmanoñ kā hisāb thā vo to naqd-e-jāñ se adā huā

ishva o ġhamza o andāz o adā haiñ qātil
kishvar-e-dil pe mire lashkar-e-jarrār girā

ik qayāmat hai terā har andāz
har adā fitna-e-mujassam hai

aaj is kor dil meñ zamāne meñ
kaun terī adā kā mahram hai

mīThī bātoñ se adā jāgtī hai
naram āñkhoñ meñ sañvarte haiñ ḳhayāl

ālam-e-josh-e-junūñ meñ jo adā hotī namāz
sar mirā sar kahāñ hotā dar-e-jānāñ hotā

hañste hue hurūf meñ jis ko adā karūñ
bachchoñ se kis jahāñ kī kahānī kahā karūñ

kitnā roī huuñ tire ba.ad tujhe kyā ma.alūm
maiñ ne lamhoñ kī adā is tarah qīmat kī hai

kuchh to āshiq se chheḌ-chhāḌ rahī
kaj-adā.ī sahī adā na sahī

kahāñ tak ta.āqub meñ phirtā rahā maiñ
nishāñ tak zabāñ tak adā tak liqā tak