kahtā hai koī sun ke mirī āh-e-rasā ko
pahchānte haiñ ham bhī zamāne kī havā ko
tāsīr ke do hisse agar hoñ to mazā hai
ik merī fuġhāñ ko mile ik terī adā ko
ham sā koī banda bhī zamāne meñ na hogā
gar us ne bhulāyā to kiyā yaad ḳhudā ko
santā huuñ ki hai ḳhvāhish-e-pā-bos use abhī
vo piis ke rakh deñ na kahīñ barg-e-hinā ko
ai 'nūh' abhī hai mirī fariyād unhīñ se
jab vo na suneñge to pukārūñgā ḳhudā ko