Tags-Wajood

mire vajūd se hairat meñ hai mufassir-e-aql
vo raaz huuñ jo na mastūr hai na ifshā hai

tirā vajūd tirī shaḳhsiyat kahānī kyā
kisī ke kaam na aa.e to zindagānī kyā

mire vajūd ko pāmāl karnā chāhtā hai
jo hādsa hai mujhī par guzarnā chāhtā hai

tirī jazb meñ hai rubūdgī tere sukr meñ hai ġhunūdgī
na ḳhabar shuhūd-o-vajūd kī na tarañg-e-mauj-e-sarāb hai

naqsh-e-yaqīñ tirā vajūd-e-vahm bujhā gumāñ bujhā
kār-e-habīb ke tufail rauzan-e-rā.egāñ bujhā

pahle tarāshā kāñch se us ne mirā vajūd
phir shahr bhar ke haath meñ patthar thamā diye

barābar hai apnā vajūd o adam
hamārī baqā aur fanā ek hai

mire vajūd ko maujūdgī dikhātī thī
diye kī lau mujhe dīvār kā batātī thī

ā.īna-e-vajūd adam meñ agar tirā
vo darmiyāñ na ho to kahīñ ham ko rū na ho

jise ho subūt vajūd kā vahī haq-shanās hai bā-ḳhabar
unheñ jumla aave ḳhudā nazar vo ḳhudā ko dekhe kahāñ nahīñ

gardish-e-mehr-o-māh kā hāsil
ya.anī merā vajūd lā-yānī

raushan mire vajūd se sarv-o-saman hue
sehn-e-chaman ke vāste nūr-e-sahar huuñ maiñ

'munīr' jab bhī chale koī rāsta na milā
vajūd-e-rāhguzar e.atibār kis kā thā

us ne kitāb khol ke rakh dī hai shelf meñ
merī qabā-e-vasl ko kab mil sakā vajūd

jhūTā hai jāntā huuñ magar is ke bāvajūd
raunaq lagā.e rakhtā hai ik ḳhvāb kā vajūd

kaise karegā sāmnā duniyā kā ab kamāl
zillat kī gahrī khaa.ī meñ pheñkā gayā vajūd

us meñ har ek baat hai par boltā nahīñ
paayā hai mere yaar ne tasvīr sā vajūd

phir maiñ karūñ na naaz kyuuñ apnī baḌā.ī par
yazdāñ ne apne haath se sīñchā mirā vajūd

is baat se hī dekh leñ qurbat hamāre beach
pahnā hai maiñ ne ruuh pe us shaḳhs kā vajūd

tasavvurāt kī parchhā.iyoñ ko
ek vajūd de paate haiñ kaise