Tags-Wajood

sulagte jism pe mere guloñ kā saaya thā
tire vajūd kā vo lams kitnā mahkā thā

bikhar rahī hai ḳhayāloñ meñ ḳhvāb kī ḳhushbū
vajūd ban ke kahāñ koī ḳhush-adā chamkā

mirā e'tibār adam vajūd se uTh gayā
vo jo zindagī kī misāl thā so nahīñ rahā

ye laag aur lagāv kyā hai
apnā vajūd hī Dubo rahā huuñ

ye aadmī hī binā-e-shar hai jo apnī hastī se be-ḳhabar hai
gunāh kā naam tak kahāñ thā vajūd-e-nau-e-bashar se pahle

mirā vajūd madīna shumār hotā hai
maiñ jab bhī dil se dahan ko darūd sauñptā huuñ

hadoñ se baḌh ke mukammal hudūd sauñptā huuñ
tirī thakan ko maiñ apnā vajūd sauñptā huuñ

maiñ Dar rahā huuñ kahāñ terā sāmnā hogā
tirā vajūd hī merī kamī na ban jaa.e

mire vajūd kī shāyad yahī haqīqat hai
ki us ne apne fasāne meñ rakh liyā hai mujhe

ḳhud apnī ḳhvāhisheñ ḳhāk-e-badan meñ bone ko
mirā vajūd tarastā hai mere hone ko

tire ḳhulūs kī chādar simaT ga.ī shāyad
mirā vajūd mujhe ajnabī sā lagtā hai

mire vajūd ko parchhā.iyoñ ne toḌ diyā
maiñ ik hisār thā tanhā.iyoñ ne toḌ diyā

reza reza huā jaatā hai mirā sañg-e-vajūd
yuuñ sadā de na pas-e-parda-e-anfās mujhe

mire vajūd meñ barpā hai us ḳhayāl se hashr
jo mere zehn meñ paidā abhī huā bhī nahīñ

mirā vajūd ġhanīmat hai sochiye to sahī
maiñ ḳhushk Daal kā pattā harā harā sā huuñ

ek misre se ziyāda to nahīñ bār-e-vajūd
tum pukāroge to har baar uThā lā.eñge

jahān-e-husn-o-nazar se kināra karnā hai
vajūd-e-shab ko mujhe isti.āra karnā hai

lahū meñ tar hai zamāne kā intiḳhāb vajūd
salīb-e-vaqt pe aayā hai kāmyāb vajūd

tumhāre din meñ mirā naam hī to sūraj hai
tumhārī raat meñ 'manzar' hai māhtāb vajūd

ye TūTtā nahīñ jhuktā nahīñ badaltā nahīñ
tumhāre saare savāloñ kā hai javāb vajūd