Tags-Wajood

vajūd-e-ḳhāk hī to ḳhaak kī amānat hai
tumhārā ḳhauf rahegā mirā hijāb vajūd

hasad kī aag meñ jalte raho to jalte raho
chaman kī ḳhaak meñ hogā mirā gulāb vajūd

kābīna-e-vujūd kā maiñ bhī huuñ ik vazīr
aisā ki merā koī qalam-dān hī nahīñ

ik āyat-e-vajūd huuñ miTTī ke Dher meñ
mere nuzūl kī to koī shaan hī nahīñ

sab raunaqeñ ba-zid thiiñ jahāñ ghar banāne ko
vo qarya-e-vajūd ḳhalāoñ se bhar gayā

kis kī talāsh hai mujhe apne vajūd meñ
vo kaun kho gayā hai jise DhūñDhtā huuñ maiñ

mere ḳhvāboñ kā merī āñkhoñ meñ
kyā vajūd aur kyā adam hogā

merā vajūd jazb huā tere jism meñ
ab mujh ko apne jism ke andar talāsh kar

magar charāġh kā saaya abhī vajūd meñ hai
zarūr apne hisāroñ meñ legā nūr-e-dimāġh

chāñd ke peT meñ hamal machhlī
machhlī ke muñh meñ kul vajūd-o-adam

gale milā thā kabhī dukh bhare december se
mire vajūd ke andar bhī dhund chhā.ī thī

mirā vajūd banā hai ye kaisī miTTī se
samā.e jaatī haiñ kitnī hī hastiyāñ mujh meñ

mire vajūd kī miTTī meñ zar nahīñ koī
ye ik charāġh kī lau jagmagā rahī hai mujhe

tirā vajūd gavāhī hai mere hone kī
maiñ apnī zaat se inkār kis tarah kartā

zamīñ se kyuuñ na mujhe pyaar ho ki merā vajūd
azal se tā-ba-abad ḳhaak se ibārat hai

adam meñ jo bhī nahīñ thā vo sab vajūd meñ thā
ye ham hī the jo kahīñ darmiyāñ bhī zinda rahe

vo kaun log the jin kā vajūd jism se thā
ye kaun haiñ jo pas-e-jism-o-jāñ bhī zinda rahe

kyā ġhazab hai ki marā asl vajūd
aks merā nazar aatā hai mujhe

sune kaun ye ta.ana-e-chāra-garī sahe kaun ye dāġh-e-kamāl-e-rafū
chalo dard-e-vajūd jagā.eñ sahar chalo zaḳhm-e-hayāt bahāl kareñ

aanā hai us kī qaid meñ har ik vajūd ne
lagnī hai har vajūd pe ta.azīr ḳhaak kī