Tags-Wajood

mah o sitāra to aa.ine ke vajūd se munharif hue haiñ
magar tirī chashm-e-mehrbāñ ko charāġh se guftugū vahī hai

mire vajūd se jo kaT rahā hai gām-ba-gām
ye apnī raah badaltā huā sā kuchh to hai

ye kam nahīñ hai ki maiñ huuñ ḳhalāoñ kā hamrāz
mire vajūd meñ gum saarā āsmāñ to huā

ye Thiik hai ki fanā ho gayā vajūd us kā
magar vo qatra samundar kā rāz-dāñ to huā

sadiyoñ safar hai 'shād' mujhe ḳhud mirā vajūd
dil se ġhubār raah chhuTe rahguzar kaTe

jo reg-zār ko zarḳhez-o-zarfishān kare
tire vajūd ke sahrā pe vo sahāb nahīñ

kisī shaam mere jilau meñ thā koī ḳhvāb vus.at-e-shahr kā
kisī sub.h mere vajūd par ye zamīn logoñ ne tañg kī

bichhā diyā thā gulāboñ ke saath apnā vajūd
vo so ke uTThe to ḳhvāboñ kī raakh uThā.ūñgī

toḌ baiThe vajūd apnā ham
ishq ko pā.edār karte hue

maiñ chal paḌūñgā sitāroñ kī raushnī le kar
kisī vajūd ke markaz ko darmiyān liye

maiñ dasht-e-ārzū pe ghaTā ban ke chhā gayā
garmī tire vajūd kī barsā ga.ī mujhe

yuuñ jagmagā uThā hai tirī yaad se vajūd
jaise lahū se koī sitāra guzar gayā

mire vajūd ko jis ne jalā ke raakh kiyā
vo aag ab tire dāman tak aane vaalī hai

agar hai insān kā muqaddar ḳhud apnī miTTī kā rizq honā
to phir zamīñ par ye āsmāñ kā vajūd kis qahr ke liye hai

mirā vajūd agar rāste meñ haa.il hai
tum apnī raah nikālo phalāñg jaao mujhe

mire saath būd-o-nabūd meñ jo dhaḌak rahā hai vajūd meñ
isī dil ne ek jahān kā mujhe rū-shanās to kar diyā