Tags-Wajood

kar de na vaar mujh pe mirā maiñ ye soch kar
ḳhud se bachā rahā huuñ maiñ apne vajūd ko

mire vajūd ko rahne de sañg kī sūrat
kisī nazar meñ to ā.īna hogī zaat mirī

tasvīr-e-ahd-e-nau hai mujassam mirā vajūd
ālām-e-rozgār huuñ fikr-e-ma.āsh huuñ

dil-e-mizrāb kī dhaḌkan hai abhī merā vajūd
tū ne vo naġhma sunā kab hai jo nā-paidā hai

kisī ko justujū hai us vajūd-e-pāk ko jaane
tazabzub meñ koī hai us ko maane bhī to kyuuñ maane

ki jaise tā.er-e-havā kī lahroñ pe, jumbish-e-par se
dāstān-e-vajūd likh deñ

qaid-e-zindān-e-jasad meñ thā ye kab kashf-e-vajūd
aur bhī kuchh thā maiñ sirf ik paikar-e-ḳhākī na thā

gaah mirī nigāh-e-tez chiir ga.ī dil-e-vajūd
gaah ulajh ke rah ga.ī mere tavahhumāt meñ

mire vajūd kā sahrā jahāñ meñ phail gayā
mire junūñ kī nahūsat zamīñ ke naam huī

vajūd-e-charḳh-e-kuhan se pahle qayām-e-dar-o-rasan se pahle
hamīñ the tere chaman kī zīnat bahār-e-husn-e-chaman se pahle

mirā vajūd hai ik naqsh-e-āb kī sūrat
shikast jis kā muqaddar hai ḳhvāb kī sūrat

merā vajūd aur vajūd-e-adam bhī mast
pinhāñ bhī mast mast hai paidā bhī mast mast

ham us ke paas se aa.eñ vajūd se bhar kar
pa shart hai ki vahāñ sūrat-e-adam jaa.eñ

hisār-e-ġhair meñ rahtā hai ye makān-e-vajūd
maiñ ḳhalvatoñ meñ bhī akasr azaab dekhtā huuñ

tabhī to jaltī chaTTānoñ pe lā ke pheñk diyā
mirā vajūd havā par vabāl thā kitnā

mire vajūd ke sahrā kā kab taqāza hai
maiñ apnī pyaas ko tasvīr karne vaalā kaun

rakh de na kaaT kar kahīñ saare vajūd ko
ḳhud-sāḳhta anāoñ kī talvār se bacho

pas-e-vajūd jahāñ merī ḳhaak hī to hai
rumūz-e-hastī-e-daurāñ varūd meñ na rakh

kahāñ kā vasl kahāñ kā firāq kis kā gila
vajūd ek hī Thahrā to phir duī kyā hai

ḳhabar kahāñ thī ki ye ruuh ek masjid hai
siyah vajūd meñ nūr-e-azān bhī hogā