mire vajūd ko maujūdgī dikhātī thī
diye kī lau mujhe dīvār kā batātī thī
maiñ jab zamīn se zohra pe jaayā kartā thā
tū kā.enāt kī zanjīr khīñchī jaatī thī
vo kyā kiran thī jo aatī thī mere siine meñ
tumhārī dhuup jab is jald tak na aatī thī
maiñ us ko ḳhvāb meñ kuchh aise dekhā kartā thā
tamām raat vo sote meñ muskurātī thī
ajiib vaqt thā is bench par baġhaicha meñ
ki din gayā nahīñ hotā thā raat aatī thī