Tags-Azaab

ai ham-nafas na pūchh shab-e-hijr kā azaab
āñkhoñ meñ kāTnī paḌī akasr tamām raat

ai mere sattār-o-kīmiyā-gar
ye roz-o-shab kā azaab tanhā mire liye kyoñ

safar hī bas kār-e-zindagī hai
azaab kyā hai savāb kyā hai

bajā ki hijr kā aalam azaab hai yaaro
magar ye arsa-e-furqat mazā bhī detā hai

ḳhatā nahīñ hai mirī ai sanam maiñ kyā kartā
biThāyā dasht meñ dil ne azaab kar ke mujhe

koī azaab thā jo saarā shahr le Duubā
ki chhoḌte haiñ bhalā is tarah makīñ koī ghar

kuchh hove to ho adam meñ rāhat
hastī meñ to ham azaab dekhā

azāb-e-ham-safarī se gurez thā mujh ko
pukārtā rahā ik ek qāfilā mujh ko

ik umr ke azaab kā hāsil vahīñ bahisht
do chaar din jahāñ pe guzārā nahīñ kiyā

hamārā haq bhī musallam thā qatre qatre par
hamīñ ne tishna-labī kā azaab bhī jhelā

us ke liye bhī zindagī pal pal azaab thī
vo bhī sulagte vaqt ke zindāniyoñ meñ thā

hamāre ghar ke charāġhoñ kā imtihāñ hī sahī
tum āñdhiyoñ ke musalsal azaab likh denā

shikast-o-reḳht kā paiham azaab likh denā
vo us kā jāgtī āñkhoñ meñ ḳhvāb likh denā

jab bhī ga.e azāb-e-dar-o-bām thā vahī
āḳhir ko kitnī der se ghar jaanā chāhiye

kabhī jo bā.is-e-rāhat thā ahl-e-dil ke liye
ye kyā huā ki vo manzar bhī ab azaab huā

ishq kā ajr hai dil-e-rusvā
pārsā.ī azāb-e-dānā.ī

qalaq aa gayā iztirāb aa gayā
ye dil kyā gayā ik azaab aa gayā

is tarah se azaab tak aa.e
niiñd aa.ī na ḳhvāb tak aa.e

ik qayāmat hai aap kā va.ada
chaliye ye bhī azaab ho jaa.e

ye kis ke saa.e ne rafta rafta ik aks mauhūm kar diyā hai
adam agar hai vajūd merā to roz o shab kyuuñ azaab dekhūñ