Tags-Azaab

shikasta ḳhvāb mire ā.īne meñ rakkhe haiñ
ye kyā azaab mire aa.ine meñ rakkhe haiñ

sabr aatā hai judā.ī meñ na ḳhvāb aatā hai
raat aatī hai ilāhī ki azaab aatā hai

hove na azaab us pe kabhī jis ke pas-e-marg
chhātī pe ho ta.avīz tire naqsh-e-qadam kā

vo ik ḳhayāl ki har-dam jahāñ ḳhayāl gayā
kabhī azaab meñ rakkhā kabhī sambhāl gayā

azāb-e-barq-o-bārāñ thā añdherī raat thī
ravāñ thiiñ kashtiyāñ kis shaan se is jhiil meñ

azaab utrā to paañv sab ke zamīñ kī sat.hoñ se aa lage haiñ
havā ke ghar meñ nahīñ hai koī machān paanī meñ bah rahā hai

azāb-e-dard pe nāzāñ haiñ ahl-e-dard magar
nashāt-e-dard mayassar nahīñ to kuchh bhī nahīñ

kahāñ savāb kahāñ kyā azaab hotā hai
mohabbatoñ meñ kab itnā hisāb hotā hai

ye fusūn-e-rū-e-lailā ba-azāb-e-jān-e-majnūñ
vahī husn-e-dasht-o-dar hai ba-tavāf-e-jāñ-nisārāñ

pur-sukūñ hijr sā.ateñ dekhūñ
vasl lamhe azaab hone lage

be-makāñ mere ḳhvāb hone lage
ratjage bhī azaab hone lage

na apne ghar meñ mujhe ġhair se milā ai huur
bahisht meñ ye azāb-e-fishār hotā hai

dostoñ ke sulūk ko bhī ham
aaj koī azaab likh baiThe

ye vafā bhī jafā ke baab meñ hai
jaan merī bhī ik azaab meñ hai

mirī chaah meñ mire ishq meñ tū kabhī kisī se laḌā nahīñ
isī bhuul kā ye azaab hai tū mirā nahīñ maiñ tirā nahīñ

roz jūñ-tūñ ki huā shaam to phir behtar azaab
nazar aa.ī shab-e-hijrāñ kī siyāhī ham ko

jo ham-azāb thā us kī hī chhāñv meñ aa kar
ḳhud apnī dhuup kā lashkar shajar pe Daal diyā

mubtalā ruuh ke azaab meñ huuñ
kab se dil ko khurach rahā hai koī

har qadam sahte haiñ lamhoñ kā azaab
zindagī koī ḳhatā ho jaise

kisī kī yaad meñ jaise azaab kī ḳhushbū
bikhar rahī hai varaq se kitāb kī ḳhushbū