English
Favourite
Favourite
UrduShayarUrduShayar
Expand menu
Sign inAccount

Tags-Azaab

ye azāb-e-dar-ba-darī miyāñ hai azal se merā rafīq-e-jāñ
maiñ makīn huuñ kahīñ aur kā mirā ḳhāk-dāñ koī aur hai
Ghazal
 main habib hun kisi aur ka meri jaan-e-jaan koi aur hai
shikasta ḳhvāb mire ā.īne meñ rakkhe haiñ
ye kyā azaab mire aa.ine meñ rakkhe haiñ
Sher
 shikasta KHwab mere aaine mein rakkhe hain
vahī azaab vahī aasrā bhī jiine kā
vo merā dil hī nahīñ zaḳhm bhī hai siine kā
Ghazal
 wahi azab wahi aasra bhi jine ka
'rūhī' ye daur-e-zīst musalsal azaab hai
khul kar na hañs sakūñ na kabhī khul ke ro sakūñ
Ghazal
 aab-e-rawan hun rasta kyun na DhunDh lun
kyā zarūrī hai ki dushman hī ke sar jaa.e azaab
kar deñ ahbāb hī qātil ke havāle mujh ko
Ghazal
 itna ehsas to de palne wale mujhko
maiñ chhuptā phir rahā huuñ ḳhud apnī hī zaat se
'qaisar' mirā azaab hai mujh par paḌā huā
Ghazal
 dil-tang hun makan ke andar paDa hua
jo kashīd karne kā hausla hai to kījiye
ki hazār tarah kī rāhateñ haiñ azaab meñ
Ghazal
 wo jo mubtala hai mohabbaton ke azab mein
vo jo mubtalā hai mohabbatoñ ke azaab meñ
koī phūTtā huā aabla hai hubāb meñ
Ghazal
 wo jo mubtala hai mohabbaton ke azab mein
maiñ apne azaab likh rahī thī
zaḳhmoñ kā hisāb likh rahī thī
Ghazal
 main apne azab likh rahi thi
azaab ye bhī kisī aur par nahīñ aayā
ki ek umr chale aur ghar nahīñ aayā
Ghazal
 azab ye bhi kisi aur par nahin aaya
ḳhud apne aap se vahshat sī ho rahī hai mujhe
bichhaḌ ke tujh se maiñ ik mustaqil azaab meñ huuñ
Ghazal
 main sochta to hun lekin ye baat kis se kahun
ajab azaab thā ki apne shahr-e-armāñ meñ
hamāre vāste jā-e-amāñ nahīñ honā
Ghazal
 mere wajud abhi na-tawan nahin hona
azāb-e-vahshat-e-jāñ kā sila na māñge koī
na.e safar ke liye rāsta na māñge koī
Sher
 azab-e-wahshat-e-jaan ka sila na mange koi
haiñ muqaddar azaab ke mausam
koī rut ho nasīb rāhat kī
Ghazal
 shukr humne na kuchh shikayat ki
jiite jī ġhair ko ho ātish-e-dozaḳh kā azaab
gar mirī naash pe vo shola-azār aa jaa.e
Ghazal
 main agar aap se jaun to qarar aa jae
guzar rahā huuñ jis ehsās ke azaab se maiñ
qayāmat aisī kisī dil pe kab guzartī hai
Ghazal
 tere baghair kaTe din na shab guzarti hai
yā rab azāb-e-harf-o-taḳhaiyyul se de najāt
ġhazleñ kahā karūñ na mazāmīñ likhā karūñ
Ghazal
 hanste hue huruf mein jis ko ada karun
ham ne kuchh yuuñ hī nahīñ jhelā thā qarnoñ kā azaab
āḳhir us dair-āshnā ko mehrbāñ honā hī thā
Ghazal
 qaid mein rakkha gaya qatra to ghaltan ho gaya
dekh kar dil ko pech-o-tāb ke biich
aa paḌā muft maiñ azaab ke biich
Ghazal
 dekh kar dil ko pech-o-tab ke bich
ham bhī mar kar azaab se chhūTe
aap bhī dāḳhil-e-savāb rahe
Ghazal
 is qadar aap ka itab rahe
Top Urdushayar.com