Tags-Azaab

kabhī judā do badan hue to diloñ pe ye do azaab utre
bichhaḌne vaale kī yaad aa.ī milan ke āñkhoñ meñ ḳhvāb utre

merā jiinā tirī judā.ī meñ
ik musalsal azaab jaisā hai

unheñ maut degī ye dard kyā
hai sukūn jin ko azaab meñ

vo merī ruuh meñ utrā to kab gumān bhī thā
dabā rahā hai mirī ruuh meñ azaab ke biij

na koī peḌ na saaya na āhaToñ kā gumāñ
ye justujū kā safar bhī azaab jaisā hai

har taraf ḳhūnīñ bhañvar har samt chīḳhoñ ke azaab
mauj-e-gul bhī ab ke dozaḳh kī havā se kam na thī

kyā pastiyoñ kī zillateñ kyā azmatoñ ke fauz
apne liye azaab judāgāna chāhiye

maiñ das baras se kisī ḳhvāb ke azaab meñ huuñ
vahī azaab dar aayā hai is dahā.ī meñ bhī

kaTā thā roz-e-musībat ḳhudā ḳhudā kar ke
ye raat aa.ī ki sar pe mire azaab aayā

apnī tārīḳh ke ahrāmoñ meñ utar kar dekheñ
azāb-e-musalsal kī ye fasl

ik imtihān-e-vafā hai ye umr bhar kā azaab
khaḌā na rahtā agar zalzaloñ meñ kyā kartā

shab-e-vasl dekh ke ḳhvāb meñ maiñ paḌā thā saḳht azaab meñ
the hazār soch javāb meñ ajab us kā mujh se savāl thā

charāġh-e-qurb kī lau se pighal gayā vo bhī
azāb-e-hijr se maiñ kyaa, nikal gayā vo bhī

aaj to ḳhair añdherī rāteñ aur azaab likhe jā.eñge
ik din apnī galiyoñ meñ bhī kuchh mahtāb likhe jā.eñge

vo jazb-o-shauq hī āḳhir azāb-e-jāñ Thahrā
harām ho gayā jiinā halāl karte hue

rāt-bhar jāgtā rahtā huuñ ki jiinā hai azaab
āñkheñ jo chāhtī haiñ niiñd suhānī de de

tum ko kyā ma.alūm azāb-e-jism ko kaise jhelte haiñ
ik do din meñ kaam banāo baat na Taalo mahīne par

nahīñ nahīñ maiñ vafā se kināra-kash to nahīñ
vo de rahā hai mujhe hijr kā azaab to de

tum kyā ho ham ne qulqul-e-mīnā se vā.izo
bāteñ bahut sunī haiñ azāb-o-savāb kī

kyuuñ hashr meñ ho fikr azāb-o-savāb kī
sohbat hai ye bhī ek sharāb-o-kabāb kī