Tags-Azaab

har ek āñgan ḳhamosh pahre har ek lab par sukūt taarī
hamāre ghar ghar jo TūTte haiñ qayāmatoñ ke azaab paḌhnā

ham to azāb-e-tishna-labī se haiñ nīm-jāñ
guzrī hai jaane kyā ki samundar niDhāl hai

ġham-e-zindagī ik musalsal azaab
ġham-e-zindagī se mafar bhī nahīñ

na.ī mohabbateñ 'ḳhālid' purānī dostiyāñ
azāb-e-kashmakash-e-be-amāñ meñ rahte haiñ

har ek aañkh ko kuchh TuuTe ḳhvāb de ke gayā
vo zindagī ko ye kaisā azaab de ke gayā

us se pūchho azaab rastoñ kā
jis kā sāthī safar meñ bichhḌā hai

ab maiñ huuñ ik azaab meñ aur ajab azaab meñ
jannat-e-pur-sukūt meñ mujh se kalām ho gayā

ka.ī azāb-rutoñ kā itaab baaqī hai
kuchh ārizoñ kā bhī to ehtisāb baaqī hai

zindagī jab azaab hotī hai
āshiqī kāmyāb hotī hai

marnā azaab thā kabhī jiinā azaab thā
merā mushīr ishq sā ḳhāna-ḳharāb thā

sar-e-rāh mil ke bichhaḌ ga.e thā bas ek pal kā vo hādsa
mire sehn-e-dil meñ muqīm hai vahī ek lamha azaab kā

vā.izā mastoñ kā dil haigā ḳhudā kā ghar sarīh
toḌ mat us ke ta.iiñ sañg-sitam se kar azaab

vahī masarrat-e-vasl aur vahī azāb-e-firāq
juz ek naam mohabbat meñ kyā nayā nayā hai