marnā azaab thā kabhī jiinā azaab thā
merā mushīr ishq sā ḳhāna-ḳharāb thā
vo bārgāh merī vafā kā javāz thī
us āstāñ kī ḳhaak mirā hī shabāb thā
dil bhī sanam-parast nazar bhī sanam-parast
is āshiqī meñ ḳhāna hama-āftāb thā
tū kab ma.āl-e-jaur-o-jafā ko samajh sakā
terā jamāl tere liye bhī hijāb thā
vo husn kis qadar adab-āmoz thā 'zahīr'
qad ḳhāma-e-ravāñ thā to chehra kitāb thā