Tags-Azaab

ham lā-makāñ haiñ kyā jo tire dar pe haiñ khaḌe
aur is qadar azaab meñ bhī Tas se mas nahīñ

zamīn pe qābīl ke qabīle kī rasm-e-be-dād auj par hai
magar hamārā azaab is se bhī talḳh-tar hai

abhī ik azaab se hai safar ik azaab tak
abhī rañg-e-shām-e-zavāl meñ nahīñ ā.ūñgā

tezī se bīt.te hue lamhoñ ke saath saath
jiine kā ik azaab liye bhāgte rahe

vo mere qurb meñ duurī kī chāshnī rakkhe
mire liye mirā jiinā azaab bhī na kare

phuul jaise husain chehre bhī
haa.e sahte azaab dekhe haiñ

maiñ kyā kahūñ ke jaan rahī kis azaab meñ
jab us ne mujh ko apnī barābar biThā liyā

jahāñ ahd-e-tamannā ḳhatm ho jaa.e
azāb-e-jāvedānī zindagī hai

azāb-e-vasl gavārā to hai hameñ lekin
ye ek lamha rahe ik sadī na ban jaa.e

tire hijr meñ zehn pighaltā thā tire qurb meñ āñkheñ jaltī haiñ
tujhe khonā ek qayāmat thā tirā milnā aur azaab huā

kyā ye aafat nahīñ azaab nahīñ
dil kī hālat bahut ḳharāb nahīñ

sazā-e-zohd shab-e-māhtāb kyā kam thī
ki roz-e-abr bhī ban ke azaab aayā hai

giraft-e-zīst meñ huuñ qaid-e-be-hisār meñ huuñ
azāb-e-arsa-gah-e-jabr-o-iḳhtiyār meñ huuñ

darmiyān-e-gunāh-o-savāb aadmī
hai ḳhud apne liye hī azaab aadmī

na.e azaab kī aamad hai aur ham haiñ 'vahīd'
azāb-e-daura-e-hāzir to Talne vaalā hai

nayā azaab na.ī sub.hoñ kī talāsh meñ hai
ye mulk phir nayā qātil badalne vaalā hai

phir aaj qarya-e-jāñ par azaab utre haiñ
kisī ne phir nayā tarkash sajā liyā hogā

mire ḳhudāyā maiñ zindagī ke azaab likkhūñ ki ḳhvāb likkhūñ
ye merā chehra ye merī āñkheñ

badan se lipTe rahe be-zamīniyoñ ke azaab
talāsh-e-rizq kī ḳhātir jidhar jidhar bhī ga.e

kahīñ azaab na ban jaa.e us kā saaya bhī
sutūn TuuTe hue sā.ebān ūñchā hai