Tags-Aashiq

na huī tāqat-e-nazzāra kisī āshiq ko
shola-e-husn hijāb-e-ruḳh-e-jānāñ niklā

āshiq ke rozgār ko us ne siyah kiyā
kākul se ḳhat se zulf se ḳhālī siyāh se

tujhe mash.hūr honā ho to āshiq kī burā.ī kar
burā.ī se bahut jald aadmī mash.hūr hotā hai

hai haq ba-taraf us ke chāhe sau sitam kar le
us ne dil-e-āshiq ko majbūr-e-vafā jaanā

sub.h bālīñ pe ye kahtā huā ġham-ḳhvār aayā
uTh ki fariyād-ras-e-āshiq-e-bīmār aayā

haar dekhā bhī ḳhūn-e-āshiq kā
aap aur sar jhukā.e baiThe haiñ

tū āshiq hai vafā terā hunar hai ishq meñ varna
mirā gul be-vafā hai kyā ise qadr-e-vafā bulbul

dil kā ā.īna rū-e-āshiq hai
is se zāhir hai be-kasī dil kī

vaa.e āshiq-e-nādāñ kā.enāt ye terī
ik shikasta shīshe ko dil banā.e baiThā hai

lab jāñ-baḳhsh us ke maar hī rakhte haiñ āshiq ko
agarche āb-e-haivāñ haiñ va lekin sam haiñ ye donoñ

guzar jaatī hai dil se tiir ho kar yaad us qad kī
jahāñ ham-dosh-e-āshiq ham koī abrū-kamāñ dekheñ

kar nām-o-nañg tark dilā rāh-e-ishq meñ
āshiq vahī hai jis ko ki hai is se ār-o-nañg

ḳhudā ke āshiq to haiñ hazāroñ banoñ meñ phirte haiñ maare maare
maiñ us kā banda banūñgā jis ko ḳhudā ke bandoñ se pyaar hogā

ai musht-e-ġhubār-e-tan-e-farsūda-e-āshiq
us kū meñ zamīñ-gīr hai giiv ab tū havā ho

kas qadar paayā savedā-e-dil-e-āshiq ne auj
rafta rafta til banā āḳhir tire ruḳhsār kā

āshiq hī faqat nahīñ hai jañjāloñ meñ
har tā.ir-e-dil phañsā hai in jāloñ meñ

aanā use zarūr go hoñ laakh ehtimām
āshiq hai un kī niiñd mirī dāstān par

ma.ashūq o mai o ḳhāna-e-ḳhālī o shab-e-māh
āshiq ke liye hāsil-e-duniyā hai to ye hai

mahshar ko bhī dīdār kā parda na kare yaar
āshiq ko jo andesha-e-fardā hai to ye hai

ḳhuub hai āshiq suuñ mil rahnā sajan
laaD us kā har ghaḌī sahnā sajan