ḳhānqāh meñ suufī muñh chhupā.e baiThā hai
ġhāliban zamāne se maat khaa.e baiThā hai
qatl to nahīñ badlā qatl kī adā badlī
tiir kī jagah qātil saaz uThā.e baiThā hai
un ke chāhne vaale dhuup dhuup phirte haiñ
ġhair un ke kūche meñ saa.e saa.e baiThā hai
vaa.e āshiq-e-nādāñ kā.enāt ye terī
ik shikasta shīshe ko dil banā.e baiThā hai
duur bārish ai gulchīñ vā hai dīda-e-nargis
aaj har gul-e-nargis ḳhaar khaa.e baiThā hai