Tags-Azaab

āñkhoñ ke darīchoñ se sarāb utre haiñ kitne
ik jaañ hai magar is pe azaab utre haiñ kitne

mire safar meñ hī kyuuñ ye azaab aate haiñ
jidhar bhī jā.ūñ udhar hī sarāb aate haiñ

to dekhe aur bande pe tere azaab ho
yā-rab ye terī shān-e-karam se ba.iid hai

vaa.iz abas ye zikr-e-azāb-e-shadīd hai
ik tauba qufl-e-rahmat-e-haq kī kalīd hai

vo din thā dozaḳh kī aag jaisā
vo raat gahre azaab jaisī

adh-khulī āñkheñ haiñ 'ḳhāvar' aur sāñsoñ kā azaab
laash kī sūrat paḌā huuñ kargasoñ ke darmiyāñ

na mil sakī us ko raushnī kī koī bashārat
ki tīrgī kā azaab us ne sahā nahīñ thā

dil lagānā savāb thā lekin
jī chhuḌānā azaab ho jaatā

azaab degā to phir mujh ko ḳhvāb bhī degā
maiñ mutma.in huuñ mirā dil tirī panāh meñ hai

'zafar' ye mere liye to azāb-e-jāñ hogā
ḳhudā na-karda ki maiñ shahr-e-be-hunar meñ rahūñ

na to ilm apne meñ hai yahāñ ki ḳhudā ne bhejā hai kis liye
isī ko jo kahte haiñ zindagī so to jism ke hai azaab meñ

zālim pe azaab ho gayā huuñ
maiñ roz-e-hisāb ho gayā huuñ

is shahr-e-fusūñ-gar ke azaab aur, savāb aur
hijr aur tarah kā hai, visāl aur tarah kā

har taraf ḳhūnīñ bhañvar har samt chīḳhoñ ke azaab
mauj-e-gul bhī ab ke dozaḳh kī havā se kam na thī

mujhe to jo bhī milā hai azaab kī sūrat
mirī hayāt hai ik tishna ḳhvāb kī sūrat

saath terā azaab hai mujh ko
chāhiye koī dūsrā bhī nahīñ

nāzil huā thā shahr meñ kaalā azaab ek
ġhārat-gar-e-nasīb thā ḳhāna-ḳharāb ek

lamhoñ ke azaab sah rahā huuñ
maiñ apne vajūd kī sazā huuñ

maiñ karvaToñ ke na.e zā.iqe likhūñ shab-bhar
ye ishq hai to kahāñ zindagī azaab karūñ

vo raushnā.ī kahāñ se lā.ūñ maiñ aise kātib kahāñ se DhūñDūñ
bahut kaThin hai gulāb chehroñ pe dāstān-e-azāb likhnā