Tags-Azaab

maiñ saare kāġhzāt le ke dekhtā hī rah gayā
savāb koī le gayā azaab koī le gayā

bas is yaqīn pe hotī haiñ laġhzisheñ aksar
ki rahmatoñ kā bhī daatā hai tū azaab ke saath

vārasta-e-azāb-e-tamāshā hai chashm-e-barg
ai āgahī nigāh mirī kor kyuuñ nahīñ

mujhe ḳhvāb-e-sarāb-e-azāb diye mirī ruuh kā naġhma chhīn liyā
āshob-e-malāl ishrat-e-jāñ 'vijdān' se kyā kyā chhīn liyā

bisāt-e-ḳhāk bhī tapāñ ḳhalā bhī hai dhuāñ dhuāñ
bas ik azāb-e-nār hai zamīñ se āsmān tak

azāb-e-jāñ bhī jahāñ meñ nahīñ koī aisā
rafīq bhī hai baḌī be-misāl tanhā.ī

na ārzuoñ kā chāñd chamkā na qurbatoñ ke gulāb mahke
na hijratoñ kā azaab sahte hue musāfir gharoñ ko lauTe

bas ek Dhalvān darmiyāñ hai aur us se aage khulā jahannam
na jaane kis pal kī ek laġhzish azaab sadiyāñ sameT laa.e

varaq varaq zā.ichoñ meñ tahrīr ek se the javāb lekin
savāl chakhne kī ḳhaam ḳhvāhish meñ ham ne kyā kyā azaab chakkhe

falak kī had se pare hai tirī uḌaan to kyaa?
magar kabhī kabhī dhartī ke is azaab meñ aa

ḳhuddāriyoñ se kaun ye pūchhe ki aaj tak
kitne azaab ham ne liye apnī jaan par

rah-e-hayāt meñ kāñToñ ne mehrbāñ ho kar
bachā liyā hai azāb-e-shaguftagī se mujhe

har ghaḌī inqalāb meñ guzrī
zindagī kis azaab meñ guzrī

nām-firāq phir na liyā maiñ ne umr-bhar
thā zā.iqa zabāñ pe azāb-e-chashīda kā

ḳhauf sab jaatā rahā dil se azāb-e-hijr kā
naqd-e-jāñ denā gunāh-e-ishq kā kaffāra thā

uff ye begāngī-o-tark-e-ta.alluq kā azaab
pā ga.e ham bhī vafāoñ kā sila kyā kyā kuchh

ham ne dekhā hai dāġh-e-dil 'qā.em'
vaqinā rabbanā azābannār

nahīñ hai bas maiñ tumheñ bhulānā
ajab tarah kā azaab ho tum

ruḳh-o-zulf kā huuñ fasāna-ḳhvāñ yahī mashġhala yahī kaam hai
mujhe din kā chain azāb-e-jāñ mujhe shab kī niiñd harām hai

yaqīn kis liye us par se uTh gayā hai 'munīr'
tumhāre sar pe ye shak kā azaab kyuuñ aayā