English
Favourite
Favourite
UrduShayarUrduShayar
Expand menu
Sign inAccount

Tags-Wahshat

āġhāz apnā vahshat basrī anjām apnā shorīda-sarī
ham aaj bhī haiñ badnām bahut ham kal bhī nihāyat rusvā the
Ghazal
 ek jal-thal thi kal tak ye zamin ye dasht bhi kal tak dariya the
vahshat-e-dard-e-hijr ne ham ko jagā jagā diyā
niiñd kabhī jo aa ga.ī ThanDī huā ke saath saath
Ghazal
 hum bhi badal gae teri tarz-e-ada ke sath sath
terā jaanā thā ki ġham-ḳhāne pe vahshat chhā ga.ī
maiñ ye samjhā thā mire ghar se bayābāñ duur hai
Ghazal
 yas hai hasrat hai gham hai aur shab-e-dijur hai
jaane ye tū hai tirā ġham hai ki dil kī vahshat
jānib-e-koh-e-nidā koī bulātā hai mujhe
Ghazal
 husn tera jo kabhi wajd mein lata hai mujhe
hosh thā vahshat meñ to sahrā-navardī kā mujhe
be-ḳhudī meñ gardish-e-taqdīr aadhī rah ga.ī
Ghazal
 rang uD kar raunaq-e-taswir aadhi rah gai
kyā hai duniyā ke ḳharābāt meñ vahshat ke sivā
mujh meñ ābād mire shahr-e-asātīr ko dekh
Ghazal
 jo meri pusht mein paiwast hai us tir ko dekh
koī is shahr ko tārāj kar de
huī hai merī vahshat hā-o-hū bin
Ghazal
 bhaTakta phir raha hun justuju bin
ye vīrānī sī yūñhī to nahīñ rahtī hai āñkhoñ meñ
mire dil hī se koī jāda-e-vahshat nikaltā hai
Ghazal
 agar kuchh bhi mere ghar se dam-e-ruKHsat nikalta hai
ajiib armāñ ajiib hasrat ajiib ḳhvāhish ajiib vahshat
ki ban paḌe to unheñ bhī apnī tarah sarāpā malāl kar leñ
Ghazal
 ghamon ki duniya ko raund Dalen nashat-e-dil paemal kar len
detī hai vahshat-e-dil fasl-e-bahārāñ kī ḳhabar
ab kahāñ vahshiyoñ ko jaib-o-garebāñ kī ḳhabar
Ghazal
 deti hai wahshat-e-dil fasl-e-bahaaran ki KHabar
is meñ kuchh vahshat-e-dil bhī to rakhī jaatī hai
baaġh bas phuul ugāne se kahāñ bantā hai
Ghazal
 sirf aazar uThane se kahan banta hai
dasht o dar ḳhair manā.eñ ki abhī vahshat meñ
ishq ne pahlā qadam nām-e-ḳhudā rakkhā hai
Ghazal
 ishq mein jis ke ye ahwal bana rakkha hai
ek dhaj ālam-e-vahshat meñ badaltā huuñ roz
chāhtā huuñ ki kaheñ log tumhārā mujh ko
Ghazal
 us se ji bhar ke mili dad-e-tamanna mujhko
din meñ vahshat bahal ga.ī
raat huī aur niklā chāñd
Ghazal
 pura dukh aur aadha chand
ham se tahzīb kā dāman nahīñ chhoḌā jaatā
dasht-e-vahshat meñ bhī ādāb liye phirte haiñ
Sher
 humse tahzib ka daman nahin chhoDa jata
ab tirī yaad se vahshat nahīñ hotī mujh ko
zaḳhm khulte haiñ aziyyat nahīñ hotī mujh ko
Ghazal
 ab teri yaad se wahshat nahin hoti mujhko
chāhat ġhamze jatā rahī hai
vahshat sahrā dikhā rahī hai
Ghazal
 chahat ghamze jata rahi hai
ye dāmān-e-vahshat kī kuchh dhajjiyāñ
banā.eñge log in se parcham bahut
Ghazal
 chamakne laga hai tera gham bahut
kyā kareñ tadbīr-e-vahshat ai dil-e-dīvāna ham
us se mil bhī to nahīñ sakte haiñ āzādāna ham
Ghazal
 kya karen tadbir-e-wahshat ai dil-e-diwana hum
umr bhar sahrā-navardī kā huā anjām ye
rafta rafta dil meñ vahshat kā Thikāna ho gayā
Ghazal
 hijr tera teri qurbat ka bahana ho gaya
Top Urdushayar.com