Tags-Wahshat

jī lagtā hai is duniyā se uub chukā hai
ajiib vahshat hai ki har jagah se ayaañ hai

roz ḳhushbū tirī laate haiñ sabā ke jhoñke
ahl-e-gulshan mirī vahshat ko havā dete haiñ

ik dikhāvā rah gayā bas dil se vo chāhat ga.ī
qais sahrā meñ gayā to ġhairat-e-vahshat ga.ī

kuchh vahshat-e-iz.hār lahū shāḳh pe laa.ī
kuchh raas gul-e-zaḳhm ko ye āb-o-havā hai

phir vahī lambī do-pahreñ-surma.ī haiñ phir vahī dil kī hālat hai
bāhar kitnā sannāTā hai andar kitnī vahshat hai

mohabbat se hameñ nafrat hasīnoñ se hameñ vahshat
dil-āzārī kī bāteñ ab ye dil-āzār rahne deñ

vahshat-e-dil ne kāñch ke TukḌe
merī firdaus meñ bikhere haiñ

mujh ko vahshat qubūl kar legī
ab garebān meñ nahīñ huuñ maiñ

laakh pur-vahshat o pur-haul sahī shām-e-firāq
ham ne ghabrā ke diye din se jalā.e to nahīñ

ham junūñ vaale haiñ ham se kabhī pūchho pyāre
dasht kahte haiñ kise dasht kī vahshat kaisī

vahshat meñ charāġhāñ meñ tire qurb se kartā
afsos mayassar ye suhūlat bhī nahīñ thī

josh-e-vahshat hai tishna-kām abhī
chāk-e-dāman ko tā jigar kar de

jo tū nahīñ hai to lagtā hai ab ki tū kyā hai
tamām ālam-e-vahshat ye chaar sū kyā hai

ye jo maiñ bhāgtā huuñ vaqt se aage aage
merī vahshat ke mutābiq ye ravānī kam hai

bagūle uḌ rahe haiñ jo hamāre dasht-e-vahshat meñ
unhīñ ko ai 'asar' ham parda-e-mahmil samajhte haiñ

kahāñ hogā Thikānā barq-raftārī un kī vahshat kā
ki vo manzil ko bhī sañg-e-rah-e-manzil samajhte haiñ

taarī rahegā soch pe vahshat kā bhuut kyā
TūTegā kisī taur ye shab kā sukūt kyā

charāġh-e-shauq lahū se jalā diyā ham ne
ik aur qissa-e-vahshat sunā diyā ham ne

vahshat ise kahiye na tahayyur ise kahiye
maiñ bhuul chalā thā mujhe azbar hai ki tū hai