Tags-Wahshat

utaar kar qarz zindagānī kā rafta rafta
nafas ke vahshat-kade se bāhar nikal rahā huuñ

josh-e-vahshat yahī kahtā hai nihāyat kam hai
do jahāñ se bhī agar vus.at-e-sahrā baḌh jaa.e

zikr-e-shab-e-firāq se vahshat use bhī thī
merī tarah kisī se mohabbat use bhī thī

samundar tishnagī vahshat rasā.ī chashma-e-lab tak
ye saarā khel in āñkhoñ se dekhā tere kartab tak

ai mausam-e-gul tashvīsh na kar arbāb-e-ḳhirad kī bātoñ par
ye panja-e-vahshat mere haiñ har tār-e-garebāñ merā hai

gar qais kī vahshat kā kuchh uuñT asar letā
lailā ko girā detā aur bhaag khaḌā hotā

din guzrā aur shaam Dhalī phir vahshat le kar aa.ī raat
jab bhī us kā hijr manāyā ham ne vo kahlā.ī raat

vahshat-e-dil kā taqāza hai ki bas pyaar karo
pyaar ke saude meñ nuqsān nahīñ hotā hai

fanā ho kar kahīñ miTtī hai yārab shorish-e-vahshat
fuġhāñ kartā huuñ maiñ zanjīr-e-bāb-e-lā-makāñ ho kar

ga.ī raunaq bhī chehre kī havās-o-aql jaate haiñ
uḌā sab rañg-e-ruḳh vahshat meñ gard-e-kārvāñ ho kar

vahshat-e-hijr bhī tanhā.ī bhī maiñ bhī 'anjum'
jab ikaTThe hue sab ek ġhazal aur kahī

us aañkh se vahshat kī tāsīr uThā laayā
maiñ jāgte rahne kī tadbīr uThā laayā

ishq mujh ko nahīñ vahshat hī sahī
merī vahshat tirī shohrat hī sahī

kuchh ḳhabroñ se itnī vahshat hotī hai
hāthoñ se aḳhbār ulajhne lagte haiñ

baḌh ga.ī vahshat bahār-e-fitnā-sāmāñ dekh kar
hañs rahā huuñ ḳhud-baḳhud chāk-e-garebāñ dekh kar

ahvāl ek hai dil-e-vahshat-sarisht kā
yā juz se bāñdhiye ise yā kul se bāñdhiye

pīchhe phir phir dekhtā jaatā huuñ aur bhāgūñ huuñ maiñ
apne saa.e se bhī ab to mujh ko vahshat ho ga.ī

vaqt ne aisī karvaT badlī phuul khile bastī ujḌī
vahshat kā vo zor baḌhā ābād huā vīrāna bhī

sābit hai jab pahāḌ-e-vahshat
jab tak dāman hamārā sī jaa.e