ġhamoñ kī duniyā ko rauñd Dāleñ nashāt-e-dil pā.emāl kar leñ
na.ī mohabbat nayā junūñ hai ḳhudāyā kyā apnā haal kar leñ
jo chaar āñhkeñ karo to jāneñ nazar milā kar hañso to jāneñ
qasam tumhārī agar na tum ko sharīk-e-rañj-o-malāl kar leñ
ajiib armāñ ajiib hasrat ajiib ḳhvāhish ajiib vahshat
ki ban paḌe to unheñ bhī apnī tarah sarāpā malāl kar leñ
vo ek lamha vo ek saa.at huā thā jab un se ahd-e-ulfat
use bhī kyā ai ḳhudā-e-rahmat sharīk-e-ḳhvāb-o-ḳhayāl kar leñ