Tags-Paan

paan meñ ye rañg kahāñ aap ne
aap mire ḳhuun kā da.avā kiyā

us lab kā liyā bosa na kabhū haihāt na lipTā pāvoñ se
dil tujh se ba-rañg-e-pān-o-hinā ye bhī na huā vo bhī na huā

cigarette ne ye ik paan ke biiḌe se kahā
tū hamesha se parī-rūoñ ke jhurmuT meñ rahā

sulh in donoñ kī āḳhir meñ karā.ī maiñ ne
paan meñ Daal ke tambākū bhī khaa.ī maiñ ne

paan kahne lagā cigarette se ki iblīs-e-laīñ
terī tambākū se jaatī hai badan meñ nicotine

paan bolā ki jalātā hai tū kyuuñ qalb-o-jigar
eshiyā.ī maiñ huuñ, maġhrib kā hai tū saudāgar

is pe cigarette ne kahā paan se ye kyā hai sitam
chhāñv meñ paltā hai aur tū hai baḌā sabz qadam

cigarette se jo sune paan ne ye talḳh suḳhan
bolā ḳhāmosh ki achchhā nahīñ hāsid kā chalan

maiñ apne ḳhuun kā beḌā uThā.ūñ ḳhud kyūñkar
vo paan dete haiñ shoḳhī se muskurā ke mujhe

aañkh mastī kī bharī shoḳh nigāheñ chanchal
qahr kājal kī khachāvaT misī o paan parī

diyā khā ke aap ne paan jo dil-e-mubtalā huā surḳh-rū
use samjhā peT kā bojh vo jo tumhāre muñh kā ugaal thā

tai huā nazm hī mustaqbil hai pān-sau bil hai bha.ī pyāro
aañkh na maaro ġhazal hamāre hasab-nasab kā hissa hai

paan khā kar surma kī tahrīr phir khīñchī to kyā
jab mirā ḳhuuñ ho chukā shamshīr phir khīñchī to kyā

diyā maiñ paan use ik reḳhta paḌh kar lagā kahne
ye iiñTī khuuī kā katthā hai aur kañkar kā chūnā hai

barg-e-gul un ko kahūñ yā pāra-e-yāqūt vaah
dekhiyo bin paan khaa.e un laboñ kī lāliyāñ

havā-e-garm ḳhizāñ meñ vo rañg-o-rūp kahāñ
thī andalīb yūñhī dhān-pān suukh ga.ī

mire qatl par tum ne biiḌā uThāyā
mire haath kā paan khāyā to hotā

us ke aage Tokrā thā in ke aage ḳhās-dān
vo chabā jaatā thā patte ye chabā jaate the paan

ajiib thī sarisht bhī hamāre dhaan paan kī
kabhī to bahr-e-be-karāñ kabhī sarāb-zār thā

saath za.iif baap ke lag ga.iiñ kām-kāj par
gahne chhupā ke laḌkiyāñ daadī ke pān-dān meñ