Tags-Paan

bazm se tum ko le ke jā.eñge
kaam kab phūl-pān se niklā

baaġh meñ gul ne kiyā apne ta.iiñ lohūluhān
dekh us ġhuncha-dahan ke paan ke khāne kī tarah

lagāvaT kī adā se un kā kahnā paan hāzir hai
qayāmat hai sitam hai dil fidā hai jaan hāzir hai

thā bahut un ko gilaurī kā uThānā mushkil
dast-e-nāzuk se diyā paan baḌī mushkil se

paan khā khā ke lab-e-bām pe vo aane lagā
ḳhuuñ hamārā pas-e-dīvār huā chāhtā hai

gum-shuda dil na ho kahīñ merā
un kī mahram kī paan par kuchh hai

maiñ apne ḳhuun kā beḌā uThā.ūñ ḳhud kyūñkar
vo paan dete haiñ shoḳhī se muskurā ke mujhe

tere hoñToñ ke ta.iiñ paan se laal
dekh kar ḳhūn-e-jigar khātā huuñ

jāñ-sapārī daaġh katthā chūnā hai chashm-e-intizār
vāste mehmān ġham ke dil hai biiḌā paan kā

kājal mehñdī paan misī aur kañghī choTī meñ har aan
kyā kyā rañg banāvegī aur kyā kyā naqshe Dhālegī

paan chabā aur ā.īne meñ dekh ke apne hoñToñ ko
kyā kyā hañs hañs devegī aur kyā kyā dekhe-bhālegī

laboñ pe surḳhī vo paan kī kuchh ki la.al bhī munfa.il ho jis se
vo aan hañsne kī bhī phir aisī ki jis kā aalam hai kuchh nirālā

haath meñ le kar gilaurī mujh ko dikhlā kar kahā
muñh to banvā.e koī is paan khāne ke liye

koī ḳharīde paan aur chaa.e
nanhā sirf miThā.ī khaa.e

sunā ke koī kahānī hameñ sulātī thī
duāoñ jaisī baḌe pān-dān kī ḳhushbū

ik zarā rañg-e-nazākat bhī rahī madd-e-nazar
dhān-pān ai jaan tum ho pahno dhānī chūḌiyāñ

chhupā ke paan ye kis ke liye lagāte ho
hamāre qatl kā beḌā kahīñ uThāte ho

bahut se ḳhūn-ḳharābe macheñge ḳhāna-ḳharāb
yahī hai rañg agar tere paan khāne kā

haath meñ le kar gilaurī mujh ko dikhlā kar kahā
muñh to banvā.e koī is paan khāne ke liye

tumhāre lab kī surḳhī la.al kī mānind aslī hai
agar tum paan ai pyāre na khāoge to kyā hogā