Tags-Paan

tire daañt saare safed haiñ pa.e-zeb paan se mal kar aa
nahīñ dekhe aaj tak abr meñ mujhe ab dikhāne ko aḳhtar aa

kab paan raqīboñ ko ināyat nahīñ hote
kis roz mire qatl kā biiḌā nahīñ uThtā

tishna-e-ḳhūñ haiñ la.al-e-lab tere
surḳhī-e-rañg-e-pān meñ kuchh hai

ḳhūn-e-ushshāq kā uThā biiḌā
be-sabab kab vo paan khātā hai

ādāb-e-bazm ke sivā kuchh aur to na thā
mahfil meñ us ne paan diye ḳhaas kar mujhe

paan ban ban ke mirī jaan kahāñ jaate haiñ
ye mire qatl ke sāmān kahāñ jaate haiñ

paan khā kar jo ugaal aap ne thūkā sāhab
jauharī mahv hue la.al-e-yaman yaad aayā

aate haiñ vo kahīñ se to ai 'mehr' qarz daam
chiknī Dalī ilā.ichī mañgā paan chhāliyā

us lab pe dekhte hī se vo paan kī dhaḌī
shām-o-shafaq in āñkhoñ meñ kab ḳhushnumā lagī

ḳhuuñ bahāne kā bahāna hai bhalā mere ba.ad
tiin din paan bhī khānā na zarā mere ba.ad

chunā katthā lag rahā hai aa.e din
paan biiḌī aur supārī zindagī

jab señ dekhī hai ḳhat-e-sabz meñ tere lab-e-surḳh
tab señ sabze meñ chhupī paan kī laalī ai shoḳh

aañkh uThā dekhiye aur dekh ke hañs bhī diije
apne kājal kī zakāt aur misī-o-pān kī ḳhair

paan khāyā hai to is vaqt bhī lāzim hai yahī
ek bosa hameñ diije lab-o-dandān kī ḳhair

badan kī shāḳh se us ke kiran jo lipTī thī
vo sah sakā na use dhān-pān aisā thā

ruuTh baiThe haiñ magar chheḌ chalī jaatī hai
kabhī paiġhām kabhī paan chale aate haiñ

kyā paan kī surḳhī ne kiyā qatl kisī ko
shiddat se hai kyuuñ aaj tirī teġh-e-zabāñ surḳh

paan khā kar jo ugaal aap ne thūkā sāhab
jauharī mahv hue la.al-e-yaman yaad aayā

chehra tamām surḳh hai mahram ke rañg se
añgiyā kā paan dekh ke muñh laal ho gayā

mahbūb ne pairahan meñ jab itr malā
aur paan chabā ke apne ghar se vo chalā