tire daañt saare safed haiñ pa.e-zeb paan se mal kar aa
nahīñ dekhe aaj tak abr meñ mujhe ab dikhāne ko aḳhtar aa
shab-e-va.ada tū agar aa.e hai to darañg kyā hai mire ghar aa
ki ye āñkheñ lag rahī dar se haiñ shab-e-rashk-e-mah ba-ḳhudā dar aa
mire sar pe har ghaḌī fāḳhta kare kaam kyūñki na arre kā
qad-e-dil-rubā ke huzūr tū na chaman meñ ban ke sanobar aa
mire tan se sar ko judā kar ab nahīñ ḳhūñ-bahā kī mujhe talab
ki ye tan ye bār-e-girāñ hai bas kahīñ teġh le ke sitamgar aa
ye makāñ haiñ donoñ tire liye nahīñ ġhair kā hai yahāñ guzar
jo tū chashm meñ nahīñ aa.e hai mire dil meñ yaar suḳhnavar aa
tirī raah dekhūñ maiñ tā-kujā kahūñ kis se ye ki ḳhabar hī lā
mirā us se le ke javāb-e-ḳhat kahīñ jald uḌ ke kabūtar aa
ba-juz abr de but-e-bāda-kash nahīñ dil ke vāste jā.e-ḳhush
ki ye shīsha aur vo taaq hai tū 'nasīr' jā ke use dhar aa