Tags-Hawa

jo nazar kiyā maiñ sifāt meñ huā mujh pe kab ye ayaañ nahīñ
mirī zaat ain kī ain hai vahāñ dūsrī kā nishāñ nahīñ

huzūr-e-ḳhvāb der tak khaḌā rahā saver tak
nasheb-e-qalb-o-chashm se guzar tirā huā nahīñ

bahut se bhed aise haiñ jinheñ merī nazar kā duur tak phailā huā dāman
abhī tak chhū nahīñ paayā

koī mujhe bad-kār kahe us kī ḳhatā kyā
ye merā hī baḳhshā huā ezaaz hai mujh meñ

vo jast bhar ke havā ho gayā magar na khulā
maiñ kis navāh meñ thā us ke par banāte hue

hamāre ġham judā the
qarya-e-dil kī fazā aab o havā

kis liye kahāñ se kyā huā ki maiñ yahāñ aa pahuñchā
ab mujhe kaise le jaayā jā.egā

mirī fitratoñ meñ hī kufr hai mirī ādatoñ meñ hī uzr hai
binā soche maiñ kahūñ kis tarah jo likhā huā hai ye Thiik hai

kaam kī baat pūchhte kyā ho
kuchh huā kuchh nahīñ huā ya.anī

hazār shukr maiñ tere sivā kisī kā nahīñ
hazār haif ki ab tak huā na tū merā

bārhā aisā huā mahsūs jaise
āsmānoñ se lipaT kar rah gayā maiñ

achchhā huā ki ḳhātir-e-'hasrat' se haT ga.ī
haibat sī ik jo ḳhatra-e-dār-o-rasan meñ thī

charāġh-e-dil ko zarā ehtiyāt se rakhnā
ki aaj raat chalegī havā udāsī kī

aise ham dekhte haiñ dil ke ujaḌne kā samāñ
jis tarah dāsiyāñ jaltā huā mandar dekheñ

go maiñ rah-e-hayāt meñ be-dast-o-pā huā
phir bhī muhīt-e-ishq meñ mahv-e-safar huuñ maiñ

hamārā ḳhūn-e-nāhaq niiñ huā zaa.e.a are qātil
zamīñ se gul ho niklā āsmāñ par ho shafaq phailā

duniyā kā ḳhauf thā to lagāte na aag hī
yā mom kā pighaltā huā ghar bhī dekhte

nazar pe baiTh gayā jo ġhubār kis kā thā
diloñ se kam na huā jo sharār kis kā thā

baḌhtā huā hausla na TuuTe dil kā
tū dā.era mahdūd na kar manzil kā

kam-baḳht dil burā huā tirī aah aah kā
husn-e-nigāh bhī na rahā gaah gaah kā