Tags-Hawa

maiñ ne tujhe tujh se kabhī haT kar nahīñ dekhā
jo kuchh bhī huā us ko palaT kar nahīñ dekhā

zambīl zindagī meñ baḌoñ kā diyā huā
kuchh sikka-e-duā ke sivā aur kuchh nahīñ

ek sāġhar bhī ināyat na huā yaad rahe
sāqiyā jaate haiñ mahfil tirī ābād rahe

vo jin kā ilm kī duniyā meñ bol baalā hai
jahān-e-ilm meñ phailā huā ujālā hai

pyaar kā ḳhuun huā kyuuñ ye samajhne ke liye
har añdhere ko ujāle meñ bulāyā jaa.e

sohbat rakhā kiyā vo safīna-o-zalāl se
dil hī meñ ḳhuuñ huā kiiñ mirī nukta-dāniyāñ

sitam vo tum ne kiye bhūle ham gila dil kā
huā tumhāre bigaḌne se faisla dil kā

bahār aate hī kunj-e-qafas nasīb huā
hazār haif ki niklā na jo sila dil kā

kuchh na hote hote ik din ye huā
saikḌoñ sadiyoñ kā hāsil ho ga.e

āzim-e-hijr-e-musalsal huā is miTTī se
lauT aa.egā yahīñ aur kidhar jā.egā tū

ye jo tūfān tire gird hai dīvāngī kā
ik zarā tez huā aur bikhar jā.egā tū

kārvāñ rad huā aur chup huī āvāz-e-jaras
kyā ab us samt ko tā-hadd-e-nazar jā.egā tū

thī titliyoñ ke ta.āqub meñ zindagī merī
vo shahr kyā huā jis kī thī har galī merī

tai huā nazm hī mustaqbil hai pān-sau bil hai bha.ī pyāro
aañkh na maaro ġhazal hamāre hasab-nasab kā hissa hai

vo dil nazar se girā deñ to ġham kī baat nahīñ
ye jaam vaz.a huā hai shikastagī ke liye

zamāna jab kabhī āmāda-e-fareb huā
kisī ne parda uThāyā hai āgahī ke liye

hāthoñ se oT kī to sabhī uñgliyāñ jalīñ
phir bhī havā kī zad pe diyā umr bhar rahā

jafā kā us kī gilā mat karo huā so huā
ḳhudā ke vāste chupke raho huā so huā

sunegā vo to ḳhafā hogā phir na.e sar se
kasū ke kaan meñ kuchh mat kaho huā so huā

ye guftugū jo karo ho so kuchh bhalī nahīñ hai
kisī se fel-e-abas mat laḌo huā so huā