Tags-Hawa

dīvāroñ se sar Takrā.ūñ band darīchoñ ke pīchhe
khulī fazā meñ aa niklūñ to mauj-e-havā se uljhūñ maiñ

merā sar hai is zaḳhm-e-lutf se jhukā huā
us kā dil bhī ġham se mere ohda-barā kaise ho

ġhairat hai jo mujh meñ to vo kahte haiñ sar-e-bazm
parvāne se jo kaam huā ho nahīñ saktā

is chhāliyā ke peḌ ke nīche ḳhudā-gavāh
mujh par nuzūl rahmat-o-ijlāl-e-haq huā

qabr par kyā huā jo melā hai
marne vaalā nirā akelā hai

mujh se to dil bhī mohabbat meñ nahīñ ḳharch huā
tum to kahte the ki is kaam meñ ghar lagtā hai

havā meñ tairtī phirtī haiñ kitnī afvāheñ
dikhā.ī detī nahīñ aur ḳhabar meñ rahtī haiñ

mai-parastāñ ḳhum-e-mai muñh se lagā.e hī bane
ek din gar na huā bazm meñ saaqī na sahī

vo jo ham-rahī kā ġhurūr thā vo savād-e-rāh meñ jal-bujhā
tū havā ke ishq meñ ghul gayā maiñ zamīñ kī chaah meñ jal-bujhā

roz jūñ-tūñ ki huā shaam to phir behtar azaab
nazar aa.ī shab-e-hijrāñ kī siyāhī ham ko

nayā lahja ġhazal kā misra-e-sānī meñ rakkhā hai
huā ko muTThiyoñ meñ aag ko paanī meñ rakkhā hai

jis meñ ġham bhī the nihāñ kuchh dard bhī
ham ko vo āb-o-havā achchhī lagī

chale bhī aao ki ye Dūbtā huā sūraj
charāġh jalne se pahle mujhe bujhā degā

na itnā bikhrī thī pahle kitāb-e-hastī bhī
aur itnī tez mire shahr kī havā bhī na thī

kyuuñ mish.al-e-dil 'faiz' chhupāo tah-e-dāmāñ
bujh jā.egī yuuñ bhī ki havā tez bahut hai

agar gunah bhī jo kuchh huā hai ki jis siiñ iitā zarar huā hai
to ham siiñ vo be-ḳhabar huā hai diloñ siiñ is kuuñ bhulā.e diije

Thahrī huī havā meñ bhaḌakte nahīñ charāġh
jhoñkoñ ne lau baḌhā.ī diye jagmagā diye

aisī havā chalī mirī aahoñ kī raat ko
sab āsmāñ pe ḳhirman-e-anjum bikhar gayā

achchhā huā jo ho ga.e vahdat-parast ham
fitna gayā fasād gayā shor-o-shar gayā

dil ḳhush huā kahīñ to phir apnā ye hai shi.ār
jā kar ke baaġh meñ gul-o-gulzār dekhnā