Tags-Hawa

pahlī bārish hī meñ taqvā ke nishāñ sab dhul ga.e
sar meñ ik TuuTā huā mazlūm sajda rah gayā

abhī yahīñ thā abhī dekh to kahīñ bhī nahīñ
ye aadmī ki havā hai ajiib aadmī hai

charāġh sabr ke jis ne jalā.e royā hai
havā se rabt-o-ta.alluq baḌhā.e royā hai

justujū sarhad-e-idrāk se aage na baḌhī
do-qadam tai na huā mahala-e-dil tum se

dhaḌkanoñ ko nazar-andāz kiye jaate ho
phir na kahnā ki muḳhātab na huā dil tum se

vo ek bachcha hai hasrat se dekhtā hai mujhe
maiñ us ke haath meñ TuuTā huā khilaunā huuñ

manzar ajab thā ashkoñ ko rokā nahīñ gayā
hañstā huā jo aayā thā hañstā nahīñ gayā

khule jo zaḳhm ke Tāñke to ye huā mahsūs
sabā ne rakh diyā marham tire havāle se

chale haiñ rah-guzar-e-shauq par havā kī tarah
jo aayā sāmne 'rāhī' haTā diyā ham ne

vo shaḳhs chīḳhtā huā amboh ban chukā
kis kis ko bolne duuñ kise chup karā.ūñ maiñ

ḳhaak ho kar hī ham pahuñch jaate
us taraf kī magar havā bhī nahīñ

kyā jāniye kaisī thī vo havā chauñkā na shajar patta na hilā
baiThā thā maiñ jis ke saa.e meñ 'manzūr' vahī dīvār girī

koī ta.āruf huā nahīñ
nahīñ koī āshnā.ī bhī

kuchh to kahtī hai sar-e-shām samundar kī havā
kabhī sāhil kī ḳhunuk ret pe jaa.eñ to sahī

dil kisī ḳhvāhish kā uksāyā huā
phir machal uTThā hai bahlāyā huā

jā tujhe tere havāle kar diyā
kheñch le ye haath phailāyā huā

jis tarah hai ḳhushk pattoñ ko havā
mere hisse meñ hai tū aayā huā

ye bagūle haiñ ki istiqbāl-e-qais
phir rahā hai dasht ghabrāyā huā

bazm meñ bas ik ruḳh-e-raushan ke faiz
jo jahāñ maujūd thā saayā huā

kyā karūñ ai kār-e-duniyā kyā karūñ
vo mujhe hai phir se yaad aayā huā