Tags-Gham

ab naam kyā batā.ūñ ki ġham kis kā hai 'sabā'
āñkheñ mirī zarūr haiñ aañsū parā.e haiñ

dard kī dhuup Dhale ġham ke zamāne jaa.eñ
dekhiye ruuh se kab daaġh purāne jaa.eñ

aish-e-gurez-pā kā tasavvur bhī miT gayā
ġham aise mustaqil mile aur is qadar mile

ġham nahīñ likkhūñ kyā maiñ ġham ko jashn likhūñ kyā mātam ko
jo dekhe haiñ maiñ ne janāze kyā un ko bārāt likhūñ

shikva-hā-e-ġham-e-jahāñ se bacheñ
aa ki ham sa.ī-e-rā.igāñ se bacheñ

dil milā hai rahm khāne ke liye
ġham milā hai muskurāne ke liye

'zeb' kyā hai ye nizām-e-ġham-e-daurāñ tauba
inqilāb-e-ġham-e-daurāñ nahīñ dekhā jaatā

javānī vasl kī lazzat pe rāġhib kar hī detī hai
tumheñ is baat kā ġham kyuuñ hai aisā ho hī jaatā hai

sumūm-e-ġham ke asar se jhulas chukā hai badan
dayār-e-jāñ meñ havā-e-tarab chalī bhī to kab

ġham ke māroñ kā hai sahārā chāñd
kitnā achchhā hai kitnā pyārā chāñd

zamāna sitam ham pe Dhātā rahegā
har ik ġham pe ham muskurāte raheñge

samāñ ho ḳhushī kā yā ġham kā ho mausam
ham apnā fasāna sunāte raheñge

thāmnā mushkil dil-e-muztar ko shām-e-ġham huā
yaad aate hī kisī kī hashr kā aalam huā

ho rahā hai TukḌe TukḌe dil mere ġham-ḳhvār kā
hai mire zaḳhm-e-jigar meñ kaaT teġh-e-yār kā

ab kisī ġham kā sitāra bhī nahīñ raushan 'nadīm'
kyā mirī āñkhoñ meñ koī chāñd hai niklā huā

nigāh-e-yās se muñh tak rahā huuñ ik ik kā
koī to bazm-e-raqībañ meñ ġham-gusār mile

TuuTā na zor-e-ġham na zamāne kā sar jhukā
niklegī vasl-e-yār se dil kī bhaḌās kyā

ham ko kitāb-e-zīst kā har baab hifz hai
ik bāb-e-ġham kā sirf paḌheñ iqtibās kyā

nikle haiñ zahr karb meñ bujh kar tamām lafz
gholeñ subū-e-sher meñ ġham kī miThās kyā

itne dukhī haiñ ham ko masarrat bhī ġham bane
amrit hamāre hoñT se mas ho to sam bane