Tags-Gham

āñkhoñ ke sāmne hai shikasta dar-e-sukūñ
ham tak rahe haiñ der se tasvīr-e-ġham bane

mirī zindagī kā ye haal thā yahī shakl-e-rāh-ravī rahī
ki na ġham kā ġham hī rahā kabhī na ḳhushī kī mujh ko ḳhushī rahī

ranj-o-ġham se jo be-ḳhabar hotā
kaash aisā bhī koī ghar hotā

sañg-bārī kā ġham nahīñ hai magar
ek patthar ko ek sar hotā

tere ġham meñ kitnā nāzuk ho gayā hai dil ki ab
is bhare bāzār meñ

tāqat-e-zabt-e-ġham dil se ruḳhsat hotī jaatī hai
armāñ naale ban ban kar lab par aate jaate haiñ

'bāqar' nishān-e-ġham-o-ranj-o-alam to ho
chhoḌo kuchh aur baat karo dard kam to ho

chashm-e-ġhazāl-o-husn-e-ġhazal kā bayāñ rahe
kuchh aisī baat jo pai-e-taskīn-e-ġham to ho

umr bhar bahte haiñ ġham ke tund-rau dhāroñ ke saath
jaane kyuuñ hote haiñ itne zulm fankāroñ ke saath

sab ko aajiz kiyā falak ne par ek
āhū-e-dil pe ġham ko sher rakhā

sūraj chhat se utar gayā to kyā ġham hai
andhiyāre meñ 'rind' kahīñ so jā.eñge

rūdād-e-ġham tavīl to itnī nahīñ magar
koī kahāñ hai madd-e-muqābil kaheñ kise

vo ta.alluq hai tire ġham se ki allāh allāh
ham ko hāsil ho ḳhushī bhī to gavārā na kareñ

pahle ġham-e-furqat ke ye tevar to nahīñ the
rag rag meñ utartī huī tanhā.ī to ab hai

mujhe fursat kahāñ hai dasht-e-ġham se
hamesha ābla-pā hī rahā huuñ

mizrāb-e-ġham ne aur bhī ḳhāmosh kar diyā
go khiñch gayā hai saaz kā har taar kuchh nahīñ

mājrā-e-shauq kī be-bākiyāñ un par nisār
haa.e vo āñkheñ jo zabt-e-ġham meñ giryāñ ho ga.iiñ

sūkhe badan kī ḳhaak pe ġham kī phuvār thī
ye hī sabab hai jism meñ gaarā hai in dinoñ

ġham ke thapeḌe biich samundar meñ le ga.e
ḳhushiyoñ kā mujh se duur kināra hai in dinoñ

jahāñ ġham hai na ab koī ḳhushī hai
mohabbat us jagah par aa ga.ī hai