Tags-Dil

aa nikalte ho kidhar bhuul ke be-ḳhvāhish-e-dil
ab bhī jaao vahīñ har roz jahāñ rahte ho

tere ash.ār utar aate haiñ 'dā.em' dil meñ
haq-parastoñ ke liye saut-e-azāñ ho jaise

abhī hai dhyān kahāñ vasl ke farīzoñ par
abhī vo kāḌhtī phirtī hai dil qamīzoñ par

qayām kartā huuñ akasr maiñ dil ke kamre meñ
ki jam na jaa.e kahīñ gard us kī chīzoñ par

dil kā ḳhuun huā ho shāyad
duur pare jo kohrā sā hai

yaad meñ us kī zulf kī ai dil
kab ta.iiñ pech-o-tāb meñ rahnā

dil-e-sarshār mirā chashm-e-siyah-mast tirī
jazba Takrā de na paimāne se paimāne ko

nigāh-e-ishq o chashm-e-husn do sāvan ke bādal hai
ye jab milte haiñ dil par ek bijlī sī barastī hai

ā.ankhoñ meñ huā hai ghar terā dil kahtā hai rakh har dam parda
ho chashm-e-tamannā kyuuñ kar vā āshiq kī nazar hai partav-e-ruḳh

kī fikr magar baa.is na khulā ai lāla-ruḳh-e-be-mehr-o-vafā
batlā to ye dil kā dard hai kyā gar dāġh-e-jigar hai partav-e-ruḳh

koī is dil kā haal kyā jaane
ek ḳhvāhish hazār tah-ḳhāne

ham ki shā.ir haiñ dil ko ḳhuuñ kar ke
apne gītoñ meñ rañg bharte haiñ

qalandarī hai ki rakhtā hai dil ġhanī 'anjum'
koī dukāñ na koī kār-ḳhāna rakhtā hai

merā dil tārīf tirī?
ye to bhītar-ghāt lage

dil kī baazī yaar ajab
jīteñ bhī to maat lage

dil thoḌī hai, chāñd hai vo
lauT aa.egā raat lage

itnī muddat dil-e-āvāra kahāñ thā ki tujhe
apne hī ghar ke dar-o-bām bhulā baiThe haiñ

lekin aisā nahīñ aisā nahīñ ai dil ai dil
ye tirā des ye tere dar-o-dīvār nahīñ

dil to saada hai terī har baat ko sachchā māntā hai
aql ne bāteñ karte terā aañkh churānā dekhā hai

tū ġhazal ban ke utar baat mukammal ho jaa.e
muntazir dil kī munājāt mukammal ho jaa.e