Tags-Dil

pursish-e-dard ko jab vo aane lage
zaḳhm-e-dil misl-e-gul muskurāne lage

aaj alhaḌ pujāran vo aa.ī nahīñ dil ke mandir meñ ghanTī bajā.ī nahīñ
aas ke sab diye TimTimāne lage mere jazbāt kī ghanTiyāñ so ga.iiñ

ik nadī ke kināre base gaañv meñ guzrā bachpan mirā chāñd kī chhāñv meñ
ham baḌe jab hue ajnabī ho ga.e dil ke mandir kī sab deviyāñ so ga.iiñ

ghaaT dil kā mire aaj sunsān hai koī gopī nahāne ab aatī nahīñ
merī murlī kī dhun ab larazne lagī mere madhūban kī sab gopiyāñ so ga.iiñ

dil liyā hai to ḳhudā ke liye kah do sāhab
muskurāte ho tumhīñ par mirā shak jaatā hai

phir is ke ba.ad ye bāzār-e-dil nahīñ lagnā
ḳharīd lījiye sāhib ġhulām āḳhirī hai

guzar chalā huuñ kisī ko yaqīñ dilātā huā
ki lauh-e-dil pe raqam hai jo naam āḳhirī hai

sahl is se to yahī hai ki sambhāleñ dil ko
minnateñ kaun kare aap ke darbānoñ kī

ḳhātir-e-ḳhasta kā ab koī nahīñ pursān-e-hāl
kitne dildārī ke unvān the badal kar rah ga.e

sitāra aañkh meñ dil meñ gulāb kyā rakhnā
ki Dhaltī umr meñ rañg-e-shabāb kyā rakhnā

mudda.ā koī na thā tere sivā kyā karte
dil dhaḌaktā hī rahā harf-e-duā se pahle

chalte haiñ kū-e-yār meñ hai vaqt-e-imtihāñ
himmat na hārnā dil-e-bīmār dekhnā

be-kas chamelī phūle akelī aaheñ bhare dil-jalī
bhūrī pahāḌī ḳhākī fasīleñ dhānī kabhī sāñvlī

bahut pechīda haiñ chāhat ke andāz
ki ab dil-dāriyāñ bhī khal rahī haiñ

tarāzū haiñ ḳhirad-mandoñ ke dil meñ
vahī bāteñ jo be-aTkal rahī haiñ

use jo dhuup liye dil ke gaañv meñ utrā
rahaT se chaah kā paanī pilāne vaalī huuñ

na uTThegā dil-e-nāzuk se sadma rañj-e-furqat kā
ilāhī mere dard-e-dil se un ko be-ḳhabar rakhnā

dil-e-be-ārzū kaafī hai ham hasrat-nasīboñ ko
mubārak ho sadaf ko apnī muTThī meñ guhar rakhnā

na ho kis tarah shart-e-dilbarī duniyā meñ dildārī
jahāñ meñ ghar banānā sahl hai mushkil hai ghar rakhnā

bas ek tum the ki jo dil kā haal jānte the
so ab tumheñ bhī hamārī ḳhabar kahāñ tak hai