Tags-Dil

har ek lamha badaltī huī kahānī meñ
hikāyat-e-ġham-e-dil mo'tabar kahāñ tak hai

us dil pe hazār jaan sadqe
jis dil meñ hai aarzū tumhārī

galiyāñ jhākīñ saḌkeñ chhānīñ dil kī vahshat kam na huī
aañkh se kitnā laavā ublā tan kī hiddat kam na huī

jin ne ujāḌī dil kī khetī un kī zamīneñ ḳhatm huiiñ
ham to ra.iis the shahr-e-vafā ke apnī riyāsat kam na huī

bāqar' ko tum ḳhuub samajh lo ranjish hai ye dikhāve kī
yuuñ tum se be-zār phire hai dil se chāhat kam na huī

dil jo tesha-zanī pe maa.il hai
kuchh na kuchh rāste meñ haa.il hai

kyā sunā.ūñ maiñ hāl-e-dil ki ye dil
terī kaj-fahmiyoñ se ghāyal hai

dard jab dil meñ samā jaatā hai
lazzat-e-zīst baḌhā jaatā hai

rafta rafta dil-e-dīvāna bhī
mahram-e-rāz huā jaatā hai

vasl kā us ke dil-e-zār tamannā.ī hai
na mulāqāt hai jis se na shanāsā.ī hai

qat.a ummīd ne dil kar diye yaksū sad shukr
shakl muddat meñ ye allāh ne dikhlā.ī hai

nazar aatī nahīñ ab dil meñ tamannā koī
baad muddat ke tamannā mirī bar aa.ī hai

nashāt lamhe kī vo qīmateñ chukā.ī haiñ
ki ab zarā sī masarrat pe dil laraztā hai

usī se rishta-e-dil dil usī rū-gardāñ
usī ko DhūñD rahā huuñ usī se jhagḌā hai

na ġhaur se dekh mere dil kā kabāḌ aise
ki maiñ kabhī bhī nahīñ rahā thā ujaaḌ aise

mire dil meñ ik to hai tujh se hasīñ-tar
mujhe ab tirī kuchh zarūrat nahīñ hai

kabhī ho sakegā na 'mullā' kā īmāñ
jis īmāñ meñ dil kī nubuvvat nahīñ hai

jo dil bāñdhe vo jaadū jāntā hai
mirā mahbūb urdu jāntā hai

garche dil meñ hī sadā jān-e-jahāñ rahte ho
par ba-zāhir nahīñ ma.alūm kahāñ rahte ho

shukr-lillāh ki abhī kaam tumheñ baaqī hai
le chuke dil to vale darpa-e-jāñ rahte ho